Sura ya 5

1 Njiangananje nnaino mmanganyanji nkwetenje indu yaijinji, Ngutanje kwa lilove lya nnani kwa ligongo lya upotei ukwiya mmujo jenunji. 2 Indu yenunji ishiangavanywa na nnguvo yenunji ishitaunwa na vadudu va angavanya. 3 Dhahabu yenunji na ipanje yenunji yangali mana, kwa ngavanyika kwake kunashondeleshewa na titiminywa iilu yenunji nkati mmoto. 4 Nnolanje, nshaala gwa bhakamula maengo nkanave kwapanganga kwa neng'ena mmigunda jenunji, Vanangutanga! Na liguto lya bhaneng'e na mtiishile mmakutu mwa bhakulungwa majeshi. 5 Nshitamangananga kwa jajatika pa shilambo na kuinonyela ashaenenji. Nshikwijimbayanga muntima jenunji lyuva lya ingwa. 6 Nshikung'ukumulanga nakumulaga mundu akwete haki akakombola kukanangu. 7 Kwa nneyo mwikakatimilanje, ashapwanga, ivaga kwiya kwa bhakulungwa na valimalimanga anatama nilindilila maneng'eno ga mana shoka nkati nshilambo, alindililaga kwa kuikatamalila kwa ligongo lyake, na ibhaga ula ja tanduva na yeila ya kumpelo shijnya. 8 Numbe mmanganje vakwikatilila, mwilumanje mitima jenunji, kwa ligongo lya kwiya kwavo Bhakulungwa kushivandishila. 9 Ashapwanga,nnainginikanje ashayene kwa ashayene, nngakava nnapatanga mboteko. Nnolanje nkuhumula ashijima pannango. 10 Kwa ashapwanga nnolanje mboteko na kipilila kwa valondolanga vashikuonekananga nkati nlina lya Vakulungwa. 11 Na mmole, tunakwashima vene bha kwikakatimilanga, "mbay" Mpilikenenje kuikakatila kwa A Ayubu, ni namna jashi Bhakulungwa shuvashite gumbala shia. 12 Kwa aga gowe, ashapwanga nnalumbilanje, ivaga kumbinguni ama pashilambo, au kwa mnumbilo gwa namuna jina. Ikabhe kubheleketa "elo" kwenunji kuvoneshe "elo" na kwana kwenunji kuvoneshe "kana" kupinga kuti nnagwilanje paija mboteko. 13 Ashipagwa jojowe nkati jwenunji akwete na mboteko? Anapinjikwa ajuje. Buli mundu jojowe ni jwa angalala? Na ajimbe ya lumbilila. 14 Buli, ashipagwa jojowe nkati jenunji alijwannwele? Na avashemanje vakongopa va nyumba jaka Nnungu vajuganje panani jake, valikupakayanga mauta nkati nlinalya Vakulungwa. 15 Na majugo ga ngulupai shigampe kulama nnwele, na Bhakulungwa shuvarinyakule. Na ivaga ashikola ilevyo, Nnungu shammonele shia. 16 Kwa nneyo mwipelanje mboteko yenunji ashayene kwa ashayene, na jujilana kila jumo nakannjake, kupinga mpatanje kulama. kujuga kwa unguja huogola indu ikulungwa. 17 Na Eliya paliji mundu jwa kola ng'aniyo malinga yetu, ashikujuga kwa tumbila kuva ula jinye, na janganya nkati nshilambo malanga ga yaka itatu na myei sita. 18 Na Eliya ashikujuga kavili na liunde gulilenye ula panani shilambo na shilambo na gujishoshie maneng'eno 19 Ashapwanga, ivaga jojowe nkati jenunji pashoka kushoka alina kweli, Ikaveje mundu juna ni kumuja nago. 20 Numbe na amanye jojowe akunongoya akwete mboteko kujaula nkati mumpanda gwake gwa ilevo shalamye gumi gwake kushoka nkati nshivo na shaunishile gwinjigwa ilevo.