1 Ashalongo ajangu makagulilanj ngulupai ya Bhakulungwa a Yesu Kristo, Bhakulungwa bha ukonjelo kwa agula agula shandunji. 2 Ibhaga mundu jumo ajinjilaga nng'imano yenunji awete lupete kwa shahabhu na nngubho ya konja numbe nijinjila nkulaga awee nngubho ya nyata. 3 Penepo nnilanguyanga kumkuya kaje jwn awete nngubho yambone na bheleketa, "shondee mmw ntame hapa pakonja" Ikabhe ni kummalanjila nkulaga jula, "ugwe jima apala", eu tama pai pa makongono gangu. 4 Buli nkulukunulanga mmashaenenji nibha bha hukumula bhalinji na ng'aniyo yanyata? 5 Mpilikananje, ashalongo ajangunji nkupingwanga, Bhuli, a Nnungu bhangaagulanga bhaalaga bha pashilambo kubha bhaashulukanga ngulupai na kukamunjwa ukulungwa gubhalegene ku bhakwapinganga? 6 Ikabheje nnshikwa petekuyanga bhaalaga! Bhuli ngabha bhakwetenje njuluko ya indu ni bhakumpotekanga na ni bhakunkukulumiyanga mmajumba ga hukumulila? 7 Bhuli, ngabha bhakwetenje njuluko ya indu bhakulitukananga lina lya mbone lila, litushemelwa? 8 Nkali nneyo , monanga matimiliyanga malejilo ga ukulungwa malinga shiijandikw mmajandiko, "shimwapinje atani ajenu malinga mmayene", inkutendanga yambone. 9 Ikabheje mwaapingangaga bananyi kwa agula agula bhandu, matendanga ilebho, nnahukumulwanga na malajilo kui mmatemanya malajilo. 10 Pabha jojowe akugakunda malajitogowe, na akuno alikwikubhala nshindu shishoko shimope, bhai pnpo alebhile kutemanya malaji lo gowe! 11 Pabha a Nnungu bhalugwile, "nnajajatishe", numbe ni bhobho bhaligwile, "inabhulaje", mwanaga nkajajatika,ikabhe inabhulaga,bhai penepo ntemenye malajilo ga a Nnungu. 12 Kwa nneyo nkungulukanje na tindibhala malinga bhene mmandishilenje kukumulwa na malajilo ga ulele. 13 Pabha mboteko inakwiga gwangali kubhonela shiya. shiya shinakwikunya kupunda mboteko. 14 Kwa mbone kwei, ashalongo ajangu monaga mundu analugula ngwete ngulupai, ikabheje jwangali itendi yake? Bhuli jene ngulupai jo shijaatapule? 15 Monaga nnongo jwa shileueu jwandonya ni jwaumalilwa ngubho eu shalya sha mobha gowe. 16 Na jumo jwenunji nikummalanjila, "Nnjendangananje kwa ulele, nkajtanje moto na nnlyanganje ya kwikonja ikabheje nkakwapanganga, ipinjikwa nshiilu, penepo shipwaandi? 17 Nnepeyo ngulupai yambone, monaya jangali itendi, jiwile. 18 Bado mundu anakombola kubheleketa, "ukwete ngulupai, na nne ngwete itendi", Nnanguye ngulupai yenu gwangali itendi na nne shiniunanguye ngulupai yangu kwa iendi yangu. 19 Nnikulupalila kuti bhapali a Nnungu bhamo, ni nnepyo, Nkali mahoka na galakwe gamanyi nneyo na ungumila. 20 Bhuli nnipinga kumanya, mwemmagulumba, shijili ngulupai jo gwangali itendi pujikapwaa? 21 Bhuli, ngabha awawa yetu a Abulaimu bhashinkubhalanganishiwa unguja kwa itendi pubhanshoshiye mwama gwabho ishaka pa ntundu mashabau? 22 Nnilolanga kuti ngulapai jabho jishikamula liengo na itendi yake na kwa itendi yakwe, ngulupai jabho jishinkuyimiliya malombolelo gabho. 23 Majandiko gashinkutimilila gaabheleketa,"Ablaimu bhashinkwa kulupalila a Nnungu, ni bhalanganishiwa kuti bhanguja", kwa nneyo a brahimu bhashinkushemwa a mbwiga bha a Nnungu. 24 Nnilolanga kui kwa iteni mundu bhalanga nishiwa unguja, na ngabha kwa ngulupaipe. 25 Nnepeyo, bhuli ngabha a Rahabu lijajama bhabhalanganishiwe unguja kwa itendi, pabhaposhlenje watumilwenje na kwashoyanga kwa mpanda guna? 26 Phabha malinga shiilu ngwangali ntima uwile, nnepeyo ngulupai gwangali itendi jiwile.