1 Mmakongopa, kwa Agayo ambwiga, ngunakumpinga kwa kweli. 2 Ambwiga, nakunjujila mwikombolela mambo genu goe na kwa ukolo gwa mbone, mbuti nneila sinkwikombolela mbumu yenu. 3 Mana nji kwinonyela kajekaje galugulilweje na ashapwanga vaikengane kushoya ushuda juu ja kweli jenu, nndu shikukwenda nketi kweli. 4 Nangali laa jikulungwa zaidi ja jeneji, kuti vana vangu vanaonga nkweli. 5 Ambigwa, nnakwenda kwa kulupalila punkwa uduminanga ashapwanga na vajeni. 6 Vashashiyenje ushuhuda gwa kupinga mmujo ja likanisa. nna lenda ukoto kweshapilisha mnyanja jevonji kwa namna jikwanonyela Ashipanganya. 7 Pava ligongo ni kwa ajili ja lina, Vapilengenenje gwangali jamwila shindu shoshioe kwa vandu vakaku lupalila. 8 Kwa nneyo tunapingwa kwakalibashanga vandu mbuti veneva ili tuve tukamula liengo kwa ajili ja kweli. 9 Naujandishila mkuganyiko lijambo juleni, ikaveje diotofe, apinga ave kuva jwa ntani akubaliana na uwe. 10 Nneyo, ivanyiaga shinikumbushila itendi yake ya kwitenda, analuguza malove geli mana kunyume na uwe.lakavetogelela na chi hi tendi hii, jwenejo akwaposhelanga ashapwake. Nanakwali mbia vananji vapinganga kwakalibishanga ashapwao na kwavinganga pa kusanyiko. 11 Ambwiga, unayaye yangali maba, ila uyaya shambone. Jwenejo atenda mboneni jwa ashipanga, na jwenejo atenda yangalimana akanave kwayona Ashipanganya. 12 Demetrio ashishudiwa yoe na kweli jiene. pia na uwe ni mashaidi, na unamanya kuti ushaidi gwetu ni gwa kweli. 13 Ngwete mambo ga majinji ga kujandishila, ikaveje ngapinga kujandishila kwa kalamu na wino. 14 Ikaveje nakulindilila, tuvonegane ana kwa ana. 15 Ulele uve pamo na ugwe Ashambugagako vanakusalimunji, venakusamunji kila jumojumo na lina lyake.