1 Machobo garo ngapapita ukela la kanisa lyabile yeluselemu bote batipagaranika katika mnema ya uyudi na samaria abotumana mache. 2 Bandu aperatau ngabamchuka stefano ngabamchimlya makowe makaro. 3 Sauli nga'liaribia kanisa ngaajingire kwa nyumba ngaa kwa kuata alorome na alwawa na kuwataikwa gerechani. 4 Na balo babaparaganike ngabayenda akwona akwo ngabachimulia likowe. 5 Filipo ngaajingia mnema wasamalia ngachimulia kristo. 6 Na kwembano kwa rwacholimo ngabampekaniya makowe garo' garong'ei nafilipo pagayowine na kugabona marung'erun'ge. 7 Na machetani machapu ngabagabya bambone bati robya na bambe batileta kwa lilobe rikolo na bandu bambone babopozike na indiyeka ngabopona. 8 Ngabaraika muno munema goro' 9 11 Na mundu yumo rina lyake simoni hapotubwa abile kapangabwabe katika mnema woro ngabashangara bandu ba mnema wa samaria kabaya ywembeni mundu mkolo. 10 Bote ngabampekaniya boka bana mpaka apendo ngababaya mundu yo' makakara gamnongo garo akoro'. Ngabampekanya kwa mahaana ngabamshangara muda wambone kwa bwabe wake. 12 Pabamwabilite filipo karilongera makowe maperatau gaukoro wa mnongo nalina ryake yesu kristo ngabatishwa walarome na naalwawa. 13 Na ywembe simoni mwene ngaoberea na batishwa, ngalongwana na filipo ngashangara aibweni ishara na marungerunge makolo gapangika. 14 Na banamache babbile yer'usalemu pabaywo wine pang'a samaria bariyeketire rikowe lya' mnongo ngabampeleka petro na yoana. 15 Ambapo pabaurikwe, ngabarobya' bampoki roho mpereteu. 16 Kwa mahana bado anaurukyari' ata yumo wabe ila bati batishwa kwa lina lya'ngwana yesu. 17 Napababeka makoko yabe kunani yabe na ngabapokya roho mpere 18 Ata simoni pabweni atabandu banalepalwa roho mperetau kwabelekwa maboko gabana mache ngapara pya mbanje ngabaya. 19 Mumbei na nenga makakaraga' nakira mundu wa mbara mmekya mabokoyango hapoke roho mperetau. 20 Lakini nga'makya mbanje yako na yabeku utaru pamope na wamwene utiwacha panga makakarago' mnongo bapatikana kwa mbanje. 21 Mtopo lipungu wala patama katika rikowe leno.kwa mwanja moyo wako mperetau rinong'e ya mnongo. 22 Bai utumi unyatau wako ukamnobe ngwana mwene ite panga upacha melwa homongwa kwa moyo wako. 23 Mahana ngabona ubire katika babo katika ubonekana wamtabilwa chochenuka. 24 Simoni ngabaya munirobi nengo kwa ngwana kwa ngwana na ganikori makowe ga' gamaite' ata rimo. 25 Na pabayomwire chimurya na rongera rikwowe la ngwana ngobabu ya yerusaremu ngaichimuria injili katika ya mbone ya samaria. 26 Maraika wa ngawana ngaarongera na filipio ngammakia uboke uyende upande wa kusini ata ndera yero yaiyegerya boka samaria yenda gaza nayembe ni rulambo. 27 Na ywembe ngaboka nayenda ,mara ngamona mundu wa kushi toashi mwene makara paeya kachake malikia wa kushi ywambekilwe kunani na kibekio chake chote na ywembe kabile kayenda yerusalemunkunumba. 28 Ngabakayeger'ya atami mugari yake kasoma kitabu cha nabii isaya. 29 Roho ngamakya' filipo uregeli papipi na garileno ukakamwane nalya. 30 Bai filipo ngayenda rubelo ngamyoa kasoma chimo cha nabii isaya ngammakia buri undagatanga ga' undoisoma ?'. 31 Ngabaya mbawecha buri kuyatanga mundu bira kunirongonya ngammakia filipo aboke na tama pamope na ywembe. 32 Narifungub lya' maremboro lyalibire karisoma ni reno hatikuwarongo kati chabile mwana wa mgondoro mwabire chichi mnonge yake ywamkata manyo ya nyanyonyoamukili luboko lwake. 33 Katika tetebara kwake chenuka kwake ya tiboelwa nyai ywapara chimulya rubereko rwake kwa mahana ukoti wake uboywile katika mnema. 34 Yworo toashi ngaayangwa filipo ngabaya ninda roba nondori yabaite makowe ga kwa habari ya nyai ni habari yake mwene au za mundu ywembe?. 35 Filipo ngaumukwa kano wake naywembe ngabaya kwa marembero ralyabire ngarongera makowe maperetau ga' yesu. 36 Nga'bayenda mundera nga'baika pandu penemache yoro toachi ngabaya linga machega ni namani chakunichibia kana amakiya nibatizwe. 37 Filipo ngabaya mwene uwoberile kwa moyowa wake wote yanda uwezekano ngayangwa ngaba ya nindaoberya panga yesu kristo nga ywembe mwana wa mungu. 38 Ngapamakiya lero gari liyeme nga bairya' bote abiri mumache filipo na yworo toachi na ywembe ngabaatizwa. 39 Na pabaobwike boka mumache roho wa ngwana nga' mkakatuya filipo ywaro toashi amwenili kaye bai ngayenda kichake apuraike. 40 Lakini filipo ngaabonekana katika yoto pabire kapita kachimuli injili katika mirima yote hata ngaika samaria.