1 Ingwino iya Obadiya utata Umulungu akulonga ishi pamwanya pa bha Edomu twivyainogwa kufuma kwa tata, umupalamani bhamusondelezya kuba panzi, ahalonga, yimilili! twimilile kushila kukwakwe kuwulugu!'' 2 Yenya indingombe abhansi ibha ibhapanzi, bhahayibha zalabhula ahani. 3 Amaluli iga mahati mumwaho zyakwelenjeha iwe, iwe wukwihala mumbipa iya mivywa, mumbanga yaho iya pamwanya, ahalonga muhati mumwaho, wunanu wahayinisya ine pas? 4 Ihabha wimilila pamwanya inzi ingabha ishubhato shaho kubhiha pahati pinzuta, ihayikwisya pasi kufuma ukwo, alonga yahwehi, 5 Ungu mwibha ayinzile kukwaho, ingabha bhebhakufwula hani bhinzile wekwila(ilelo bhangafiha ukutali) bhatangawezwa kwibha hehabhakwanile? inge wabhunganiha izabihu bhakumanyile bhatazileshile ivuno. 6 Shu Esau bhahamuhoma. Zyebhafisile bhahabhiha panzi! 7 Abhandu bhondi kwivyana kwaho kuhayi kutwala mwindala paka kumwisho. Abhandu bhebhali nuwihalo peka niwe bhahakusyobha uhatola. bhala bhebhakulya ifinjile yaho bhabishile ishitengo pasi papaho. Numo watakuzyanganya muhati yakwe. 8 Ilelo indagawenzya isiku ilyo alonga utata, kubagoga abhandu ibalutiniho kufuma Edomu na kuzyaganya kufuma mwigamba ilya Esau. 9 Abhangangali bhaho bhahayelela, kila mundu bhamukatili kufuma mwigamba ilya Esau kwa kwakufwa. 10 Kwekuti bhavywamila igewambombile kwa umwini waho uyaakoba, ahayigubishilwa nisoni, akhayiyivyamila ukutalikumbelela. 11 Isiku lila ayimiyiye, isiku abhajeni bhahega uwudubwe wakwe, nabhebhali bhajeni mumulyanga wakwe, kuhoma ikura kubhayelusalemu, iwe wamili peka inabho. 12 Ilelo utahashe isiku ilya umwini wakyo isiku ilyi mbungo yakwe. Ilelo utahashe pamwanya pa bhandu ibhayuda insiku ilya kunanganya kwabho, mutahayipale insiku ilya kuswimilila kwabho. 13 Utuhinjile umulyango uwabhantu bhani insiku ilyimbungo abhene, utahashe pamwanya pamayimba gabho, wala utahatezye uwudumbwe waho isiku ilyakumanganya abhene. 14 Utahimilile mwidala ilekhana, ilikubhapamila ibahapatali bhebha kushimbila bhabhishe mutahabhefwe bhebhakutala isiku ilya mayimba. 15 Kwekuti isiku ilya tata lipapipi na bhapanzi bhondi ana shewambombile itibhombeshe kukwaho; zyukubhomba izyaho zihayetuga pamwanya pitwa iyaho wunewe. 16 Shila she mwamweleye mwigamba lyani ibhapanzi bhondi shebahayimwela daima. bhahayimwela na kubhunda ihayibha kuti bhatalipo ningaheka. 17 Kuti mwigamba sayuni muhayibha na bhala bhebhamuposheleye na bhahayibha ni mbanga ya yakobho muhapwanila kupwanila kwabho. 18 Imbanga iyayakobho ihabha nu mwoto, ni mbanga iya Yusufu mwali uwa mwoto, na imbanga iya Esau gihayibha mahoso amumu, bhope bhahayibhosha, na kubhangamizwa. Tekuhayibha kunanjiha inyumba ya Esau kwekuti utata alonga. 19 Bhondi kufuma Negebu bhahayipwanila igamba iya Esau nabhala ibha shepela bhahayipwa nila insi iya bhafilisti. abhene bhahayipwanila insi iya Efraimu na insi iya Samaria; na Benyamini ahayipwanila Gileadi. 20 bhebhasamiye numugambo uwabhandu ibha Isreael bhahayipwanila Kanaani awinza Sarepta. bhebhasamiye mu Yerusalemu bhali Sefaradi, bhahayipwanila ishibhanje isha Negebu. 21 Bhebhakuponwa bhahabhala paka pamwanya pahagamba ihisayuni kutabhala insi iya vigamba ivya Esau, na uwumwene wuhayi bha wa tata.