1 1Izwilya mwene likhamwinzila u Yona khabili akuti, 2 Yepa ubhale muninawi inhaya yila impiti ubhale urumbilile amazwi yala gintikubhuzye. 3 Basi u Yona akhasogola akhabala mu Ninawi weayogopa izwi lya mwene i Ninawi yamile kyaya mpiti inhani, yamilile ulendo kujendela insiku zitatu. 4 U Yona akhanda kwinjila mkasi mnhaya, we ajenda amamala insiku, akadandizya inhani akhati, kunsiku amashumi gani ininawi teyipwe(teyilongwe). 5 Abhantu bha ku Ninawi bhakhamwitikhaga u Mulungu na ibhakha bhizanya kuyima. bhoti bhakha kwata amenda agamagunila kufuma umsingo paka umnsi. 6 Kundabhi impembu zikhamwaga umwene wa Ninawi akhimilila kufuma pitengo lyake ilya wupit iakhazula ikhazo lyakwe akwata amagunila akhikhala pamalota. 7 Akhafumwa indajizyo kuti kukhaya Ninawi. kindajizyo ya mwene nabhasongo bhakwe mtakhaleshele umntu ewe ishima ing`ombepope impuga, atakhalye akhantu khokhonti zyope zitakhalye wope kumwela. 8 Ilelo abhantu ni vwuma bhabhe bhagwikhanye amagunila bhakolaje izwi ipiti kudadizya kwa Mulungu kila mntu agalukhane alilileshe idala lyakwe ibhibhi kufuma muwananjisu we wulipo mnyobhe zyakwe. 9 Wunanu wamanyile? u Mulungu alakhondenye kuganikha na kuchinja insibho zyakwe na kulekha umrakha wakwe umkhali anga tutakhafwe" 10 U Mulungu akalola gala gebhabhomba, bhakaghalekha amadala gabho amabhibhi, pe u Mulungu akagalulanya insibu yakwe kumlakhawatili intibhabhombe patakhabhomba shinisho kha.