¹ Umwezi uwauwa saba isiku ilya mashumi gabhili na yeka iya mwezi izwilya mwenelikhina kunyobhe zya mkuwi hagai na kubi, ² Longa msongo wa mkoa wa Yuda, Zerubabeli umwakha uwa sheltieli, na kwamputi umpiti Yehozadaki, na kubhantu bhehasaliliye bhabhuzye. ³ Wunanu we asyalile mkasi yitu akhawulola uwafunjile uwa kwanda? mkulola bhuli unu uwishi? te ngati khatalipo nakhamu pamiso yinyu? ⁴ Ishimbhe na makha Zerubabeli-inindajizya Joshua mwana Yehozadaki-mubhe na makhaimwe bhatu bha mnsi- inindajizyo ya mwene nimombo, kubha peka niwe inindajizyo ya mwene wa wurugu. ⁵ Kufumilana nulwivwano lweluli kwivwana getukha nanga nimwe wemwafuma ku misri nu mwoyo wani ukhimilila pakasiyinyu mtogopaje. ⁶ Umwene wa wurugu akuti, khabhalilo khansi iwinza intiyinzanye kumwanya na pasi ni sumbi ninsi inyumu. ⁷ Itiyinzanye insi zyonti, na insizyonti tebhalete ivintu ivwinza kukwani, na kwizuzya inyumba ini uwufunjile akulonga umwene wa wurugu. ⁸ Impiwe ni mpiya zyani- inindajizyo ya mwene wa wurugu. Uwufinjile winyumba ini tewubha mpiti kushila ⁹ Uwufinjile uwinyumba iya kwandai akulonga umwene uwa wurugu inhayibhapa uwikhalo mnumu ini ndajizyo ya mwene wa wurugu. ¹⁰ Isiku ilya mashumi gabhili nu nane umwezi wa tisa umwanha uwa wubhili kutabhala u Dario izwilya mwene likhamwinzila umkuwi Hagaina kuti. ¹¹ Umwene wa wurugu akulonga kuti mbhuzilizye umputi kundejizyo kuti. ¹² Anga umntu apimba inyama yebhafumizye kwa mwene mmwenda wakwe anga umwenda wula wa palamasya ikati ewe umsunyi, ipele awe amafuta awe ishakulya ishinji ishi ishakulya ishoshikubha shifinjile?umputi akhamwamla akhati, "khaa" ¹³ Iwinza u Hagai akalonha akati anga umntu uwintavu umchafu anga ampalamensya umufwe na kupalamasya ivintu ivi bhoti bhangabha bhachafu? umputi akhamla akhati "ena"bhakubha bhachafu. ¹⁴ U Hagaiakhamla peka nabhantu ibha pekaninsi yeyili kwilongolela yani:- iga akulonga umwene na gonti gakubhombekha kunyobhe zyake shebhafumizye shitali shiza shamile shichafu. ¹⁵ Ishi sibhaji kwandila umsanyuni na kulusalo, we iwe litali piwilyamwabho mnyumba ya Mlungu. ¹⁶ Zilibhuli ishi?kila mntu wayinza kupima ivintu amangagu mbakuli amashimi gabhili gakubha ishumilyeka, wanyinza nivikopa ivwakumwela amashumi gasanu, gakubha gabhili ibhulo. ¹⁷ Ikhabhasupizya imwe kumbozyinyu izya kulima kuwubhibhi nuwupina ilelo mtakhangalushila- akulonga umwene ¹⁸ Sibhaji isiku ili ilyamsanyunu na kujendelela, kufuma isiku ilya amashumi gabhilininsikuzini kumwezi uwa tisa, kufuma isiku lila ulwalo ulwinyumba ya mwene kubhikha, msibhaje ilyo. ¹⁹ Mli imbeyu mshanga?amapana amakwi amawala, komamanga, nikwi ilyinsongwa gatapapile isnsanga ilelo kufuma isiku ilyamsanyunuinti bhasaye"" ²⁰ Khabhili izwi lya mweni likhinza winza kwa Hagai isiku ilya mashumi gabhili ninsiku zini kumwezi kuti, ²¹ Lunga nisingo wa mkoa wa Yuda, Zerubabeli umbhuzye kuti inti yinzane kumwanya ninsi. ²² Intigwisye itengo lya bhatabhali na kunanganya amakha gabhatubhali ibhinzi zyonti intigwisye amagari nabhebhapandile infalasi tebhagwe kila mntu kunogwa yi panga iya nholo wakwe. ²³ Isiku ilyo ishivwakulonga umwene wa wurugu intikweje iwe Zerubabeli mwana wa Sheltieli, kuti wa mubhombi wani ishivwe umwene alikunonga indisontelezye ngati pete iyamunhuri wani kunongwa ineni nikusebhile:-akulonga umwene wa wurugu!"