1 Paulo, mtumani wa mw Sev'a na mkombe wa mwa Yesu, ku imani ya v'antu awo waliv'ezwa masoga ku mwa Sev'a ni masala kwa ukweli iliyoikuleta. 2 Wiho mgate ni imani ya upanga wa milele ambawo Sev'a akakowola kuyomba ufi noi waaidi kufuma mbuka. 3 Ku matungo mwafaka, walifundukula igambo lyakwe mgati na mihayo ezyo wampa ene kutanizya. Ndiyabidi mbezye hiv'i kwi semzya ly'a mwa Sev'a mpizya winswe. 4 Ku mwa Tito, mwana wa hana mgate ni imani inswe. Chelu, ukonde ni imani kufuma kumwa Sev'a V'av'a na Yesu Kristo mpizya winswe. 5 Kunguno hivi ndinauleka Krete, iv'a ugav'egelezwe magambo gose ndigakale imala na kutula v'anamala v'a misengelo kila kaya kate hivyo nakutuma. 6 V'anamala v'a misengelo vuwagizwa kuduhu v'av'e na mihayo, mgosha lya mkima yupo aliyo ena v'ana wakonde awo v'akakuvombelwa mav'i ninga wkawa na konde. 7 Visoga kuv'i mwangalizi, keli mwe milezi wa kaya ya mwa V'av'a, kuduhu av'e na mihayo. Kuduhu av'e mntu wa mabubu ninga akav'ile wa kuzimba. Kuduhu av'e mbuhu wa kisira, akawa mnywi, kuduhu av'e mntu wa kupozya masola, kuduhu av'e na m'p'ema. 8 Ebadala yakwe: av'e mntu wa kaviwu, atogwile masoga. Av'e wa masala masoga, awe wa masoga, awe msalezi ku mwa Sev'a, ave mntu walitav'ala msav'a. 9 Akowolile kwimilizwa mahembeko gahana ago gahembekilwe, mangu av'ezwe kuwapa nguzu zya mahembeko masoga mangu akowole kuv'akinda v'ose av'o wumukana. 10 Iv'a v'iho v'atavile v'ingi, iv'a tohara. Magambo gao mav'i. Uv'akonga na kuv'alagila wantu mgate na mav'i. 11 Lazima kuv'akanizwa wantu kiti v'enao. Kuv'ahembeka ago gakatakiwa kufaida zya nsoni na kuv'ipya migana nzyose. 12 Mntu wawo, wamasala nde ayomba, "Wakrete vina ufi ukari na ukomo v'a mav'i na madimu madaki, mav'ila na v'antunku." 13 Zinizi mihayo zya hana, mbe v'yenu muv'agizye ku nguzu zyose de mangu v'akowole kuyomba ga hana mgate ni imani. 14 Ev'e kuduhu wisereginye na kalagwe(migani) zikav'a zyaha na zya Kiyahudi ninga kusamzya wantu ambao wusuvya gwahana kunyuma. 15 Ku wose awo wasoga, vintu vyose vyapee. Ila kuwose wachafu na awokavikuzyuywa, kuduhu kisoga kuv'awo, nguno mawazo gawo na makusudio gawo gakav'ipa. 16 V'akazunywa kumumanya Sev'a, nguno ya mihayo zyawo wumkana. V'asav'a v'av'i na wakalikuzunywa. Ndiwazumiziwe ku magambo gogote masoga.