Esura 9

1 Ulusiku lwa ishirini na nne ya mwezi gwenugo evantu va Israeli ndevakusanyika, nao ndevafungila, nao ndevazwalile emagunila, nao ndevatula emaluvundu kumitwe zyao. 2 Evanteva va Israeli ndevaitunga ni vageni wonse. Ndevaimelela nizumya edhambe zyawo vasava ni matambe emaovu ga va nsawo. 3 Ndevaimelela emahali pa hunene, ni robo ya lusiku ndevasoma mwifuma mketabu cha Sheria ya Bwama u Seva wao. Ni eyenge ya lusiku ndevazunya niliinama hambele ya bwana, u Seva wao. 4 Evalawi, Yeshua, Bani, nindi Kadimieli, Shebaniya, Buni, Sherebia, Bani, ni Kenani, ndavaumelela higulu ni ngazi vana kumwitana u Bwana, u Seva wao kusauti ehanya. 5 Uhene eValawi, ni Yeshua, ni Kadmieli ni Bani, ni Hashabneya, ni Sherebia, ni Hodia, ni Shebania, ni Pethalia, ndevayomba, ''Imeleli mkamsifu u Bwana, u Seva wiswe, milele ni milele.'' ''Lebarikiwe elina lyako itakatifu, elo lekumalwike mwiveta e baraka zyonse ni sifa zyonse. 6 Eve ule Bwana. Eve ule eve umwi. Eve uvezizye emalunde, emalunde ga muligulu ni vamalika wonse evavita vita, ni welelo, ni kela kintu echo kela higulu lyakwe ni bahari pamwi ni vintu vivyo vyemo. Ukuvapa wonse uupanga, ni majeshi ga vamalaika vakukusujudia. 7 Eve hule Bwana, u Seva uyo ndamsagula Abrahamu. anamfumya mwifuma Uri wa e Vakaldayo, ndamwitana Ibrahimu. 8 Ndewaguwona umoyo gwakwe ndegele mkamilifu hambele yako nanho nde wavezya pamwi nawe ilagano lya levapa evana vakwe ense ya Vakaanani, ni Mhiti, ni Mwamori, ni Perizi, ni Myebusi, ni Wagirgashi. Wakatula eahadi yako kunguno eve hule msava haki. 9 Ndewaona eshinda zya nsinswe, ku Misri na ndewapulika ekelelo chao mpelompelo ya bahari ya Shamu. 10 Eve ndewavezya ishara ni maajabu higulu lyaku Farao, ni vatumami vakwe wonse, ni vantu wonse eva nnse yakwe, ku maana nchi umanyile mwiva e Vamisri ndevavezizye mlivuna. Lakini ndewaivezezya elina elo lyemelile mpaka kulusiku lwa walelo. 11 Ndewagamanya ebahari hambele yao, ndevavuka hagategate ya bahari higulu ya nnse eyaywa; na ndewasemba vale endevaulaga mgate ya kina kate iwe mgate ya minze ga kina. 12 Eve ndewatongelela kuhange ya ilunde wakate wa liguva ni ku gange moto uwakate wa usiku, emangu mleva mulekela mnzela vavezye mwiyumba umwape. 13 Nde wasoka mgate ya mlema Sinai ndewasunsumula nao mwifuma mumalunde ndewapa eamri ezya haki ni Sheria zya kweli, amri nsoga ezya malogelezyo. 14 Ndewavajulisha enguno yako etakatifu, ndewavapa eamri ni Sheria, ni malagelezyo mwivelela kwa Musa umtumami wako. 15 Ndewapa echailya mwifuma mmalunde kunguno ya nzala yao, ni mwifuma mwitale ku nkangu yao, wavawela vaye vakayemtiki ense eyo nde wavapa kukelapo mlevapa. 16 Lakini evakola ni vansinswe ndevavezya uuasi, nao ndevakaidi, na wala ndeva kazitii eamri zyako. 17 Ndevakana mwipulikizya na wala ndevakiganeka kujuu ya maajabu ago ndewavezya higulu lyao, lakini nde vava vakaidi, na mgate ya uasi wao ndevatula ukiongozi emangu vayesuvele ehali ya uzya lakini eve huu ule Seva uyo aokile ekesa, umsava, huruma ni rehema akale mbulu wa kisila ni mingi wa utogwe thabiti eve ndoka valekile. 18 Wala ndukavalekile aho ndemala mwifumya endama mgate ya chuma echo ndechatimwa ni yomba, ''Uyu hao Seva wiswe uyo ndakufumya mwifuma ku Misri, ''Aho ndevaluvya zaidi. 19 Eve, kukisa chako, ndukavalelakile mgate ya ijangwa. Ehenge ya ilunde ndeyavatongelela mnzela ndeyakavale kile uwakate wa lyemi, ninga ehenge uwakate wa usiku ndayavamulekela ebarabara eyo ndevakutakia wa mwiyumba. 20 Ndewawapa Umwego gwako msondo muevahembeka, ni maana yako ndukavimile mmilomo zyawo, na ndewavapa eminze kunkangu yao. 21 Ku miaka makumi ane ndewaruzuku mwijangwa, na ndevakagaiwe kintu chochote. Emienda zyao ndezikachakalile ni migulu zyao ndezikavimbile. 22 Ndewapa uwami ni vantu, na ndewapa ense mgate ya kila kona ya kutale. Basi ndevayemmiliki ense ya Sihoni umwami wa Heshboni, ni nse ya Ogu umwami wa Bashani. 23 Ndewavezya evana vao mwiva vingi kate nsonda zya mumalunde, na ndewavingezya mgate ya nse. Ndewavaela evansawo vingele ni miliki. 24 Basi evantu ndevaingela, niliyemiliki nse, ndewavakinda evenyeji va nse e Vakanaani. Ndewatula mumikono zyao, pamwi ni vani vawo ni vantu va nsee, emangu Israeli avezya nao kativyo ndevakovile. 25 Avakola nde vateka emiji ya vanguzu ni ensee eya ustawi, nao ndevasola enyumba nzyunse nde zile ni vintu vyonse evyema, emaveleka ago gasembilwe, kumizabibu ni mite zya mizeituni, ni mite zya mayao egange, kwa hivyo ndevalya ndevaikuta na ndevatosheka na nde vatogwa kuwema wako. 26 Basi nde vakakutii na ndevavaasi. Ndevayesumba esheria yako kuyuma ya migongo yao. Ndevavaulaga ni valaguzi vako awo ndevavalesha vakusuvele eve, nao ndevavezya uukaidi uuhanya. 27 Kwa hiyo ndewavatula mumikono zya makaidi gawo, uyo ndavatesa. Ni wakati wa mateso gawo, ndevakulelela nanho ndewapulika mwifuma mumalunde ni mara nyingi ndewaokoa mgate ya mikono zya makaidi gawo, kunguno ya huruma zyako enyingi. 28 Lakini baada ya isuha, ndevavezya emave tena hambele yako na ndewavalekanezya mgate ya mikono zya makaidi gawo, kwa hiyo emakandi gawo ndegatawala higulu lyao, kwa hiyo ninga aho ndevasuvela ni lekulelela, ndewaigwa niwijuma mumalunde mara nyingi ndewa vakombola, kunguno ya huruma yako. 29 Ndewavadakela emangu vapate mwisuva ku sheria yako. Ninga vyenevyo ndevavezya ekeburi na ndevakakupulukizya amri zyako. Ndevavezya edhambi dhidi ya amri zyako. Ezyo zikumpa uupanga kela mntu uyo yoyote uyo akuzitii. Ndevakazitii, ndevakazivezya na ndevakana mlezi pulikizya. 30 Ku miaka mingi ndemwisola nao nilevalesha ku Mwego gwako kunzela zya valaguzi vako. Ninga vyenivyo ndevakadeleka. Kwa hiyo ndewatula mumikono zya vantu va jirani. 31 Lakini kuhuruma zyao hanya ndukasha kabisa, ao mlevaleka, kunguno eve ule Seva umsava rehema ni huruma. 32 Basi, u Seva wiswe, u Seva wiswe umhanya, umsava nguzu ni msava itisha, eve ukutula ilagano lyako ni utogwe wako, eshida zyonse ezyo ndezyakupata ensu, evami vitu, evakulu vitu, ni vakuhani visu, ni valaguzi visu, va nsinswe ni vantu, vako wonse kufuma nsiku zya vami va Ashuru mpaka walelo ngena uzivazye mwiva ndoo. 33 Eve huu ule msava haki mgate ya gonse ago ndegakupandeka kunguno wakavezya kuuaminifu, na kwa kevezya uovu. 34 Evami vitu, evakulu vitu, evakuhani vitu, ni vansiswe ndevakayedimile esheria yako, na wala ndevakazingatia eamri zyako ninga shuhuda zyako ezyo ndewavashuhudia. 35 Ninga mgate ya wami wao vasava, uwakati ndevatogilwe uwema wako kuwao, mgate nsee ehanya ni ya mazao ago ndewatula hambele yao ndevakizukila ao mwileka enzela zyao embe. 36 Sasa agese iswe kule vazya mgate ya nsee eyo ndewavapa evansiswe mwitogwa emayao gakwe ni zawadi zyakwe ensoga, na linga, ensu vazya! 37 Emavuno emasoga mwifuma kunsee yiswe yiswe gakuya kuwami awo ndutulile higulu liswe kunguno ya dhambi ziswe. Evatawala higulu lya mivele zitu ni higulu lya mifugo ziswe katevyo vatogilwe. Kule ni shida nhanya. 38 Kunguno ya gose aga, kukuvezya ilagano thabiti mwitunwa. Ku hati eyo yetungilwe ni mina ga vakulu viswe, e Valawi, ni makuhani.''