1 Etamko lya egambo lya Mgosha aku Israeli kumkono gwa ku Malaki. 2 ''Ndenakutogwa, ''Ayomba Seva. Lakini ukuyomba, ''Kujinsiki ndiwakutogwa?'' Esau kale mduguye Yakobo?'' Akuyomba Umgosha. ''Nankale mtogilwe Yakobo, 3 Lakini mgaile Esau. Nazivezya emiduko zyava ni upena, na nahavezya ulithi wakwe wava mmapango galembwe mlyeva.'' 4 Kati vyo Edomu akuyomba, ''Kwagumwa, ila lazima kusuve kuzyenge ehanonangi lwe; ''Umgosha wa Majeshi akuyomba vii, ''Vakazyenge, lakini nkaigwishe hansi; na evagosha vaka vitane 'ensi ya mave,' Na ni Wantu vao ambao, u Seva ale ni kisila nao milele.''' 5 Kuminso ginya mkaonalolo, na mkayomba, ''Umgosha mkalu imbetezya mipaka zya Israeli.'' 6 Umwana amweshimu uise, nimzya meshim uise mbinavene ndi vava, lelehe isimalyane? na mbene ndi vava, lelehi simalyane? uMgosha amajeshi, akuyombivi kuwinyu, evakulu va ivalazya vao nkubyeda lina lyane. Lakini mkuyomba, 'Kwalibyeda vihelina lyako? 7 Kwifumya emikate izikafwaya kwalutale yane na mkuyomba kwamba, kwakubyala kivihe? Kwiyomba vivyo emeza yaku Mgosha ya byedeka. 8 Mbimwa fumya esadaka zyandimu ezikakuona, yiyo kalidhambi? Na mbimwafumya embovu nizizyo zlulile, yiyo kali dhambi? Letalali lekwa liwal akasanule ushu winyu? Akuyomba Umgosha wamka kusehemu inyu. Akasanule ushu winyu? Akuyomba Umgosha wa Majeshi. 9 Nisana, mkugema ikola ichelu chaku Seva., Mangu ave akisa kuwutu.'' Na aina kuta sadaka kusehemu inyu, akasanule ushu winyu? Akuyomba umgosha wa Majeshi. 10 Mbedekuve umntu veyo ndalugale enyumba ya Misengelo, ili kuka vaganimntu kualutale lakini nduduhu ili sanamu.''Akuyomba Umgosha wa Majeshi, ''Na nkanshejezunye esadaka yoyote ifuma mkati ni mmikono zinyu. 11 Ifuma kuudulelo wa lyuva mpaka kuulokelo elina lyane likavi kulu hakati ni mataifa; katika kila lwande ubani ukafumiziwe katika lina lyane, ni sadaka nsoga. Kunguno linalyane ndikulusana mkati ni mataifa, ''Akuyomba Umgosha ula Majeshi. 12 ''Lakini emu mkuchafula mbemulayomba emeza ya Mgosha mku evesha ni mayao gakwe ni chailya chakwe mkukebyeda. 13 Nanem hange mkuyomba, ''Igambo alale lya kukatazya, ''Nemu mkulebyeda, ''Akuyomba Mgosha wa Majeshi. ''Murasuvya chicho nhividecha saliwa nindimu zya mwipolwau iva lema au eva satu; nau chene mkuki leta mwiva sadaka hivi sanga nje zumya ezye mmikono zinyu?'' Akuyomba Mgosha. 14 Alaniwe akukowewiye, veyo ali ni ndi mwani gosi mkati ni dale lyakwe na ahidi elemfumezya, ila akala akufumya kumwane, ene Mgosha, ambae naho kiujanja ujanja mkuva ene ndi mwami mkulu, ''Akuyomba Mgosha wa Majeshi, ''Nilina lyane lekaogoheke mkati ni mataifa.''