Sura ya 1

1 Ohene igambo mgosha yona umwana aku Amithai, 2 Emelela uye kuninawi. Ekaya enkulu ukafumie umuzui ikela umsava. kunguno uve wao wawoka hambeleyane. 3 Ila uyona awokoka apela ifuma hambele ya mgosha niya tarifshishi. Akasoka mkayafa. Aakawona emelikebu iyo yekuya kutarishishi. Kunguno ndalepa ehela alina emerikebu iya nayo kutarishishi kutale sana na yahweh. 4 Ila umgosha ndatuma umyaga mkulu higuluni mto ndeyava tufan higulu mto. Eve behe ndeyaoneka na emeli ndeyekukola yeputuke. 5 Vale umto ndevaogohaa muno nakela mtu ndalela kwa seva wakwe ndasuka emiligo umto zizyo ndeile merikebuni mangu vazitungu. Uyons ndasoka eha pande zya hakati ya marikebuni, nankwe ndalala uku utulo. 6 Basi unaodha nalamyele amwela, kunguno ukulala? tunula! ukamlombe usevawako! hamo usevawako ukakumanya na kukasombeke. 7 wose ndevaiwela, izii kugome mangu kumaye anamwene eguno ya uve ega gakukusanga basi vagoma ekura. Ni kula ya gwela kwa yona. 8 Hange ndavamuwela Uyona, tafadhali kuwele unani homwene kuguano ya mave ago gaku kusanga, ukuvezya umlemoke, naufumile hee? eseyako yehe nifuma kurantu vakabila kee?. 9 Uyona akavawela, ene nde Mhebrania, nane kumogoha umgosha, useva wamwigoro oyo ndago vezya umto ni nseekazu. 10 Ohene vantu eva ndevaogoha muno vakamuwela yona, igambo kee ele wavezya? kunguno eva vantu ndevamanyile iva nakupela hambele ya mgosha kunguno ndavawelile 11 Uhebe vakamuwela yona, kukovezezya kee mangu umhayo guzike? kunguno umto ndegwavepaga muno. 12 Uyona akarawele ndimi na msumbe kumto. hange emto gukadhika kunguno yaneiva tufani eye nkulu yevapandeke. 13 Ninga vivyo, evantu vao vakwesa emakasia kunguzu mangoisuva hanse ekazu, ila ndevakakwola ivezia vivyo evantu vao vakwesa emakasia kunguzu mangoisuva hanse ekazu, ila ndevakakowola ivezia vivyo kunguno umto ndegwavepaga muno edhidiyao. 14 Basi ndevamuomba mgosha, vakayomba, kukukulomba. Mgosha, kukukulomba. Ukalekaga kulumeziwe kunguno uwikalo wa mantu alave, wala ukakutulaga ehave, mgosha, wakarezya evyo ukovile. 15 Basi vakamsola uyona vamtagela mutu, nayo umto, gwakaleka ivepe. 16 Ohene evantu vakamugoha mgosha mno. vakamfumezya edhabu mgosha ni tula enadhiri 17 Mgosha ndaodalia esanvi enkulu eleumila uyona, ni yona ndale mugake ya ndaa ya nsonvi nsiku itatu ni usiku wa utata