1 Isiku lelo Mwami Ahusiero nampa u Malkia Esta ensawo yose eya Hamani, ansika ni Vayahudi. Ni hange akamlinia echewo u Modekai ili atumame hambele zyakwe, kunguno u Malkia Esta ndadamuwela umwami uhusiano wakwe ni Modekai. 2 Hange umwami akampa pete yakwe yeyo ndampa Hamani. Malkia Esta akamlinia Modekai mangu ave mkulu mgate mgosha gwa kua Hamani. 3 Hange u Esta akayomba hange ni mwami. Akagwa hanse ni lela hambele ya mwami akumuyangula umwami akave enjama ya levahulaga e Vayahudi wose eyo nde yatangazwa ni Hamani Muagagi 4 Hange umwami amsonta u Esta ni mlanga gwakwe gwa dhahabu, akawoka ni liemelela hambele yaku mwami. 5 Esta ayomba, ''Mbe anogelwe ni kete napata ekepande hambele yako, lagelezya embiu yegomwe mangu ikava ivalala zizyo ndezya tono ni Hamani mwana wa Hammedatha Muagagi, ivalala ezyo ndewatona mangu ava lumezya e Vayahudi wose ndevale mgate ni majimbo gose gaku mwami. 6 Nkowile vihe iwona uve mbewavapa evantu vane? Nkowile vihe ilinga uve vichanne?'' 7 Umwami Ahusiero akamuwela u Esta ni Modekai, u Muyahudi, linga nampa u Esta ulugo lose lwa Hamani na vamsageka Hamani mga mte kunguno ndavezizye empulutwi elevalumezya e Vayahudi wonse. 8 Vivyo utone ebiu eyenge kunguno ya Vayahudi kulina lya mwami ni gumwamuhuri gwa pete ya mwami. Na yekakowola ikava.'' 9 Hange evatoni va ku mwami vakikumenga kuwakati wuwone mgate umwezi gwa utatu,vivyo ni mwezi gwa Sivani, isiku liaamakumi avele ga mwezi gwa utatu embiu ndeyatonwa yose eyo ya Modekai nda amrisha ku Vayahudi vavezezywe ni venyeji vakela ijimbo. Embiu nde yetonilwe kwa maakida emagavana ni vakuu va majimbo gose agonndegafumile ku India adi Ethiopia, emajimbo 127 kela ijimbo ndelatonwa iva utonwe wakwe, ni kela vantu kulugha yawo, ni ku Vayahudi utonwe wa lugha yawo. 10 Modekai akatona kulina lya Mwami Ahusiero na azigoma umuhuri ku pete ya Mwami. Akafila emavalala kuvatarishi, akava lina kufarasi eva yile wangu wangu awondevatumama kule vasunga avami, awondeva wote kwa Mwami. 11 Umwami ndavapa e Vayahudi wose mgate emajimbo ga utawala wakwe ekepande cha likungania ni tunza wonse niluhusa ya ilumezya, iwolaga ni vefya utu wose wose uyo ndale ni feeli zyalevawulaga e Vayahudi wose ni levapuzya esawo zyawo. 12 Igambo alale ndelekukoviwa lepulekeziwe mgate emajimbo gose ga ku Mwami Ahusiero, ulusiku lwa ikumi na katatu ya mwezi gwa ikumi na kavele, ugo umwezi gwa Adari. 13 Ivalala lya mbiu ndelekukoviwa ifumia kate miko nitangazwa kuvantu wose. Evayahudi ndevaletayari kwi siku lelo ndevakwilepa ekesasi kuvansika zyawo. 14 Vivyo emtarishi ndeva endelea efarasi awo ndevatumelwa mgate ele vasu ekiamwi. Ndevaya uwanguwangu. Embiu eye hange nde yefumiwe mgate mkaya yaku Shushani hange. 15 Hange u Modekai akawoka hambele zya Mwami ndazute emienda zya kiami, umwenda gwa bululu nigwape ni taji ikulo lya dhahabu ni joho lya zambarau. Ekaya yaku Shushani nde yatogwa. 16 EVayahudi ndevale ni nuru, ni utogwe ni sima. Mkaya zyonse umo embiu ndezyagumwa, e Vayahudi ndevatogwa na ndevavezya ekalamu ni suha. 17 Evantu vingi ndevatamani iva e Vayahudi enguno wova wa Vayahudi eyonde yele mwigulu lyawo.