1 Ebaadala ya nsiku itatu, u Esta aizyeka emenda zyakwe zya ke Malkia na aemelela musehemu ya munyumba ya luva ya ikulu ya mwami. Umwami ndaikile mgate isumbe lyakwe elya enzi na akulinga umzigo gwa lingelela. 2 Umwami haho ndamuwona u Malkia u Esta ekepande kwa mwami. Ndampa umlanaga gwa dhahabu mmawoko mwa Esta. Vivyo u Esta ndamsungela umwami ni dima umlanga gwa litawala. 3 Ni Hange umwami akamuwela u Malkia Esta, ''Akukova apiwe kenani? Iwombi lyako lehee? Ninga nsu ya wami wane ukapiwa.'' U 4 Malkia Esta akamuwela umwami, mbe napo ekepande kuminso gako, nkulomba eve ni Hamani mwize elelo mgate ekalamu yeyo na kateyalisha kunguno ya kweve.'' 5 Umwami akayomba, ''Mumlete wangu Hamani esawasawa ni togwa lya ku Malkia Esta.'' Umwami hakemo ni Hamani vaiza mgate ekalamu yeyo dadiye u Malkia Esta. 6 Umvinyo aho nde gwa gaulwa mgate ekalamu, umwami amwuzya u Malkia Esta ukukova kenahe? Na ukulomba kenahe? Ukapiwa ninga nusu ya wami.'' 7 U Esta akamuwela mwami, ''Itaji ni lomba lyane ole, 8 Mbe ukupendezye umwami, kulempa ehaja yane nilelieshi ilomba lyane, eve ni Hamani mwize hange mgate mkalamu yeyo nkata yalishe igoro ni raha aende nkakuwela ehaga yane. 9 Hamani akaya kulugo kuwakwe nda nyomilwe mwego gwakwe ila aho ndamuwona Modekai mgate hamzi gwa ku mwami, u Modekai akakwemelela wala itetema hambele zyakwe, ndava ni kesila kunguno yaku Modekai. 10 Ila ndaizuwia na aya kulugo kuwakwe. Akavaleka eviye vakikungania hakemo ni Zereshi, umke. 11 Hamani akavawela ivautukufu wa nsawo ni dadi lya vana vawo ndalenawo ni vile vivyo alemwigolo ikela evemelezi ni vazi wose vaku mwami. 12 Hamani akavawela, ''Ninga igolo u Malkia Esta akandaa ekalamu kunguno ya mwami na ene doni mwami awo ndekwa iza mgate ekalamu yeyo ndaada u Malkia Esta. Ninga igolo kukakateke umwaliko gonge hakemo ni mwami. 13 Ila ago gose yekale kentu kate Modekai akaendeleye elikala mgate hamzigo gwa mwami. 14 Hange Zereshi, mke Hamani akamuwela ugosi ni vichakwe wose, ''Mwandae umte gwa utale wa futi makumi atano. Ni wati wamulawo yomba ni mwami ili u Modekai asungekwe mgate ya mte gugo hange yaga ni utogwe ni mwami mgate ekalamu yeyo ndaada u Malkia.