1 Ebaaa ya kentu eke, Umwami Ahausiero ndamnliya echeo ukonde umwana aku Hammesatha u mwagagi, na ndatula isumbe lwakwe lya ukulu igulu yavakulu wose awonde valenawo hakemo nankwe. 2 Ni vatumami wose vaku mwami awo ndevale mgate hamzigo gwa mwami ndevakova isungama ele mshujudia ukonde kate mwami evyo ndalagelezya. Ila u Modekai akasunga ime nilemsujudia hambele ya ukonde Hamani. 3 Hange evatumami vaku mwami awo ndeva lehamzigo gwaku mwami ndevamuwela u Modekai, kunguno ulewodoho isima liya mwami? 4 Ndevayomba nankwe isiku kwi siku, ila ndakana ilonda emihayo zyawo evyo ndevayomba ukonde iwona kate iswala lyaku Modekai mbende lesigale vivyone ndavapa empola iva u Modekai nde Muyahudi. 5 Ukonde aho ndawona iva u Modekai akakusungama wala elemsujudia, nda dimwa ni kesila. 6 Ndale ni wazo lyaku muwolaga u Modekai, evatumami vaku mwami ndevamuwelile iva u Modekai ni vanuaniye nde Vayahudi. Umwami ndaamuwa elevangamezya e Vayahudi wose, evantu waku Modekai, ao ndevale mgate kwa mwami wa Ahausiero. 7 Mgate umwezi gwa kwanza, ( ugo mwezi e Nisani) mkate ya mwaka gwa ikumi na kavele gwa kumwami Ahusiero, ndevagoma ekula hambele ya Hamani ekula kela isiku ni mwezi isagula isoko ni mwezi mpaka aho ndevasagula umwezi gwa ikumi na kavele, (umwezi gwa Adari. 8 Hange Hamani ndamuwela umwami Ahausiero, ''Kule vantu va mwi mgate emajimbo dose umwami wako evakakulonda emiko zyako. Nikunsembo zyawo ezyaileka emiko zyako vakaku kinda eliendelea iva vapanga. 9 Kate mbe yependezye umwami, fumi ilagezyo evantu eva wose vasumbwe kutale, nane nkapeme etalanta eelfu ikumi zya ela mgate ni mawoko ga vale awo evemelezi va vintu vyaku mwami, ili mangu vatule mgate eazina yaku mwami.'' 10 Ohene umwami akazyole epete yake eyaumuhuri ni lempa Hamani, ensiku ya Vayahudi. 11 Umwami akamuwela Hamani, ''Nkakondelonde iva ehela yesuve kuwako ni kuvantu vako. Ili muyetumele kete vivyo mkovile.'' 12 Hange evatoni va mwami ndeva ikungania mgate isiku lya ikumi ni tatu ya mwezi gwa kwanza, embiu eyo ndalomile Hamani ndega ndikwe nifilwa kuvemelezi va majimbo, ni vale wose awo ndevale igulu ya vemelezi va majimbo gose ni vemelezi va vantu, ni kukela ijimbo kutonwe wawo, ni kele lugha yawo. Ni mbiu eye nde yetonilwe kulina lya mwami Ahausiero ni gumwa umuhuri gwa pete yakwe. 13 Mavalala alaga ga ikova ele valomezya kutale e Vayahudi wose ndegasambazyo mgate emajimbo dose ga mwami Ahusiero, ele angamezya iwolaga ni levaveya e Vayahudi wose ifuma umuyanda mpaka umkulu, evana ni vakema, mkati ya isiku lemwi mgate isiku lya ikumi ni tatu ya mwezi gwa ikumi nivele (awo mwaezi gwa Adari) ni daiya ensawo zyawo. 14 Ivalala nde liavezya iva miko ni filwa kela ijimbo. Ifila higolo malomezyo ga Vayahudi nde yaenela mgate kela ijimbo iva evantu wose viyanda mgate ya nsiku lelo. 15 Evasambazi ndevasambazya ilagezyo lya mwami itangazo ele hange nde liafumiwa ni sambazyamgate kaya yaku Shushani. Umwami ndale ni Hamani ndevaikala ninywa, ila ekaya ya Shushani, nde yele mgate malumezyo .