1 Emu vana mvapulike ivazazi vinywe mgati ni Mgosha, kuuu maana iyi ho haki. 2 "Umheshimu uv'av'a wako na mama yako" (Kumaana iyi ho isemzyo lya ulonge wa kulizumilizya), 3 "mangu iv'e fulaha kuwinywe mangu mwikale kumuda mlihu kuigulya lya liwelelo." 4 Na emu iva' v'av'a, mkava uzigiv'a niliv'aletanizizya kisila, ibadala yakwe, mv'alele mgati ni mahembeko ni malagilizyo ga ku Gosha. 5 Ema v'azya mvaheshimu iv'agosha vinyu iv'ahamalelo kuhema inkulu ni mliv'atetemekela kuov'a uwifuma kunyego zinyu mv'e v'apuliki kuuwao kati vile mwigwa uKristo. 6 Upuliko winyu ukav'aga du hale v'agosha vinywe ghov'akumlinga mangu vamnogizye. Ibadala yakwe, mv'e ni upuliko kati vazya v'a Klisto. Mv'ezye utogwe wa ku Sev'a mkafuma mmyego zinywe, 7 mv'alumamile ku myego zinyu zyonse, mkuvamkutumamila Mgosha na kali v'antu, 8 mtakiwe mkumanye kwamba kali ni kila igambo isoga umntu kila ilo akulivazya akapokela ipongezi kufuma ku Mgosha, mkuva umzya mntu uyo ayagahwile. 9 Na emu v'agosha v'ezi vivyo ne mkuv'a ivazya vinywe. Mkavaogofyaga ikummanyile kwamba umsav'a Mgosha awonse na yule ali kumalunde. Mmanyile kuwa kuduhu upendeleo mkali yakwe. 10 Mwisho, gwakwe mve ni nguzu mgati ni Mgosha ni mgati ni uwezo ni nguzu zyakwe. 11 Mzwake vilanga vyonse zya ku Sev'a mangu kwamba mpate ilimilila ngaluzyo ni hila zya ku shetani. 12 Mkuv'a vita iswe ikali ya mgazi ni nyama, kuleka zaidi ya ukulu wa mwego ni utawale ni utawala wa uwe lelo wa uvii ni lwitii izaidi ya mashetani mgati ni sehmu zya kwilunde. 13 Hivyo zwali imbego zyonse zya ku Sev'a, mangu mpate kuimilila na mwime visoga kwaajili ya mavii. Mgati kipindi chii kiivi. Ibadala ya yakumala kila kintu, mkaimilila visoga hatimaye imilili visoga. 14 Vezyi ivi baada yakuvi mwatunga mkanda mgati vihe hana ni mkifuva. 15 V'ezi vivi mkuv'a mzwile uzumye mmigula zinywe zya kuenezya igambo lya ukonde. 16 Mgati mbee mwasola nguzu zya ukonde, ago gakakuvezya kuzimya uta gwa mvii. 17 Zwali inkofila ya ukombolwe ni upanga gwa Mwego, ambago igambo lya ku Sev'a. 18 ihamwi ni malumbizyo ni lumbo lombi ku Mwego kukila itungo kuwonekana uwo mv'ee v'aangilifu kwi tungo kuu ukonde v'onse ni malumbizyo kuvale vakuamika wonse. 19 Lombi kunguno yane mangu mpiwe ukombe kaufungula mlomo gwane. Lombi mangu manyile kusiliganzi hana lyoivisike ihukasa igambo. 20 Igambo ene ndi mkombe uyo utungilwe iminyololo, mangu kwamba mkati yao njombe usilingazi kativyo kuulagwa kuyomba. 21 Kumbe inywe nemmanye magambo gane na ivyo neendeliye, Tikiko mdugu wanne mtogwa mtumami ludeva mgati ni Mgosha, mtumami ukav'imanye kukila kitu. 22 Na mtuma kiwinywe kunguno maalumu, mangu mmanye imagambo ihusu ensu, akowile mkuhani myugo zinywe. 23 Ukonde uv'e kuv'a udugu, ni utogwe hamo ni ukonde mkufuma Sev'a V'av'a ni Mgosha Yesu Kristo. 24 Chelu na ivee hamo ninywe wonswe v'amtogilwe Mgosha Yesu Kristo kuutogwe uwo ukali wa hufwa.