1 Kunguno e'yi ene, Paulo, ni mtungwa waku Yesu Kristo kunguno yiswe Insi. 2 Nuamini kwiv'a mwakigwa kwigulya ya mlimo gwa cheru cha mwa Sev'a uyondiwampa kunguno inywe. 3 Nkuv'andikila kufumile ivyo ufundukule ivyo ndiwafundukulwa kuwane. Ugu gwa hana guv'isike ugo ndinaandika kuuguhe kwi v'alala lingi. 4 Aho usoma mkuhusu aga, ukakola kumanya masala gane, mkati ni gwahana ugu gwiv'isile mgati na Kristo. 5 Kuuti ivinge gwahana ugu gukav'eziwile okwilangwa kuv'ana v'a v'antu. Ninga kugisi gutulilwe hibala ku Mwego gwa Va'hemba awo v'ali mluduko na V'alaguzi. 6 Gwahana udigwiv'isa niv'a v'antu v'a nsi niv'ashiriki vichane ni v'akombe vigisu v'a mv'ili. Vashiriki hakimo ni lagano lya mwa Kristo Yesu kuv'iti'lwa e'njili. 7 Ni kwili nakav'ezya mtumami ku izawadi ya cheru chamwa Sev'a ndiyafumiwa kuwane kuv'itila utumami wa nguzu zyane. 8 I Sev'a ndiwafumia izawadi iyi kuwane, ninga iv'a ene ndimtu mdoo wa wonse mkati nawo v'ali ni ludiko kunguno ya mwa Sev'a. Izawadi iyi iv'a ikumpa kuv'atangazizya insi einjili yakwe usav'i gukalikuchunguzika gumwa Kristo. 9 yumbidi kuv'amulikila v'antu wose kwigulya yakii ni imipango gwa mwa Sev'a zya siri. Ugu ndi mpango ugo ndigwav'a guv'isilwe kumiaka mingi iyav'etile, ni Seva uyo aliviumba vintu vyose. 10 Iyi ndiyav'a i'va, kuv'itila Misengelo, v'atemi ni imamlaka mkati isehemu zya ilunde v'apate imanyna, upande mwingi wa mfumo ya masala ga mwa Sev'a. 11 Aga mbendigafumile kuv'itila imipango zya milele ndiwakamilisha mkati na Kristo Yesu Mgosha wiswe. 12 Kwiv'a mkati ni Kristo kuli ni usiliganzi kukoola wa kwingila kuu usilingazi ku nguno ya usondo yakwe kuwakwe. 13 Kunguno nulomba kuduhu mkale tamaa kunguno ya kuduko gane kunguno yinywe. Aga ndio ukulu winywe. 14 Kunguno e'yi mguma mayungo kumwa V'av'a. 15 uyo kumwin'ekili kukila mgana mwilunde na kwiguvya na nsi hitanilwe lina. 16 Nkulomba kwiv'a va'pate kufumila kuusav'i na ukulu wakwe, av'av'ezye v'iime visoga kuaguzu kuvitila Mwego gwakwe, uyo ali mkati iswe. 17 Kulomba iv'a Kristo ikale mkati ya miego zinywe kuvitila usondo. 18 Nulomba kuv'a mv'e ni itina na nyandio ya utogwe wakwe. Muv'e mgati na utogwe wakwe. Muv'e mgati na utogwe wakwe mangu mkoole kumanya hakimo na wose iv'uamini, ijinsi ya ugalihe ni ulihu na msimo ni ulihu wa witogwe wa mwa Kristo. 19 Nulomba kuv'a mmanye uhanya ni witogwe wa Kristo, awo v'uzidi umanye. Mv'ezye aga mangu mokaziwe ni ugelanile wose wa mwa Sev'a. 20 Ni gisi kuwakwe msav'a akoolile kuvezya, kukila gose ago kugalomba au ago kugiganika, kuv'etila nzira zyakwe ago guv'ezeka mlimo mgati yakwe, 21 kuwakwe msav'a kuv'e na ukulu mgati ni misengero na mkati na Kristo Yesu kuutwa wose imilele na milele. Amina.