Esura ya 1

1 Paulo, mtumami wa Kristu Yesu kuwutogwe wa mwa Sev'a, (Mulungu), kwav'o ndivaitengwa ku nguno ya mwa Sev'a(Mulungu) av'ov'eko Efeso na nawo v'aaminifu mugute ya mwa Kristu Yesu. 2 Chelu kive kuwingw'e na konde kufumila kwa Sev'a(Mulungu) v'av'a winswe na Mgosha Yesu Kristo. 3 Sev'a(Mulungu) na V'av'a wa Mgosha wiswe Yesu Kristu apiwe sifa. He msav'a wakulanga ku kela chelu cha mwego, mugate na sehemu zilunde mugate na Kristu. 4 Kabla ya kuwubwa welelo, Mungu wakusogola isu av'o kuzumizye mugate ya Kristo. Wakusogola isu mangu kave v'adehelwa na kukanwa ha mbele zyake. 5 Mugate na utogwe wa mwa Sev'a (Mulungu) wakusogola mbuk'e kutumwa keti v'ana(vayanda) v'akwe ku nzila ya mwa Yesu Kristu. We'ta v'iniv'i nguno watogeziwa kwita acho wigomelagwe. 6 Matokeyo gakwe kuv'i Sev'a(Mulungu) aleshimiwe ku chelu ya udeheklwa wake. Ichi ndio chene wakupa bila ideni ku nzila ya utogwe wakwe. 7 Kumbe mugate na mtogiwa v'akwe kwinaupizwa kuvitela mugazi (munoge) gwakwe, msamaha gwa izambi(makosa). Kwenalo lineni nguno ya usavi wa chele chakwe. 8 Wavezya chelu chinichi kuv'i nywingi nguno inywe mugute na isima na masala. 9 Sev'a(Mulungu) wavezya yemanyike kuwigwe ili hana iliyoyifisa ya igambo, kutokana ni kalokolo akokigerisha mugate ya Kristu. 10 Itungo li tungo av'o lyamalizwika ku kuwumate wa igambo lyakwe, Sev'a(Mulungu) akuv'itula hakimo kila kintu cha kwilunde na cha kwigulya na welelo mugate na Kristu. 11 Mugate na Kristu ndi kusogolwa na kuzumiziwa ninga witungo. Iyi ndiyili kufumila ku magambo iyowitagi vintu vyonse kumpaka ya utogwe wakwe. 12 Sev'a(Mulungu) weta vinevyo mangu kukowole kuv'i kwiho ku sifa ya udehelwa wakwe. Ndekwav'i wa kwandyi kuv'i na ugumu mugate na Kristu. 13 Meyili ku nzila ya Kristu kumbe ndimwi gwa igambo(mihayo) lya hana, igambo(mihayo) lya upanga wing'we kunzila ya Kristu. Ndeyile mugate na msav'a hangi, k'umbe mwazunywa na ku'gumwa muhuri na Mwego Sondo uyowazumiziwa. 14 Mwego hugo dhamana ya msazi wiswe mpaka apiwele ahoaligile. Yinuyi ndi sifa ya udehelwa wakwe. 15 Nguno enyi, kufuma itungo ndinigwa habari zya sondo zing'we mugate na Mgosha Yesu na utogwe wing'we kuavo v'akamwa ku nguno yakwe. 16 Nkalekile kumrumba sev'a(Mulungu) kunguno inyu, na kuv'akalyi mugute na maombi gane. 17 Nulomba ev'i Seva(Mulungu) wa Mgosha wiswe Yesu Kristu, v'av'a wa udehelwa, akuv'apa mwego ya isima, mafundukulo ga masala gakwe. 18 Nulomba kwamba minso ginyu ga mmoyo katetilwe mwanga kwing'we kumanya ki ugimu wa kuitamwa kuwing'we. Nulomba mmanye usavi wa udehelwa wa usavi wake kwao v'akanilwe ku nguno yakwe. 19 Nulomba kuvi mmanye uhanya uvo ukelile nguzu zyakwe, mugate ninswe av'o kuzumiziwe. Uwu uhanya ni kutokana na kwita milemo mugate na nguzu zyakwe. 20 Zinezi hi nguzu azyozyita mulemo mugate ya Kristu itungo Sev'a(Mulungu) ndiwamfumbula kufumila kwav'o wafyile na kumwikazya mgate na mkono gwakwe kwa kigosha mugate na sehemu ya kwilunde. 21 Wamwikazya Kristu higulya kule na utawala,, kupiwa, nguzu, kale, na kila lina likanilwe. Wamwikazya Yesu siyo du kwi tungo eli kwamba kwitungo ilo lizile hangi. 22 Sev'a(Mulungu) wav'itula vintu vyose hansi ya migulu zya Kristu. Wamwi tana msav'a mtwe higulwa ya vintu vyose mugate nisengelo. 23 Isengelo helo ndilo muv'ili gwake, kuzumiziwa kwakwe ayo uukozya vintu vyose mugate na nzila zyose.