Esura 1

1 Aga ho magambo gaku Muhembeki, mwana lyaku Daudi na mwami mgate ni Yerusalemu. 2 Muhembeki ayomba evi, ''Kate mtutu gwa kafwa, kate muyaga msoga mgate ni muyaga, kukela kintu chusine ka ni ileka emaswali mingi. 3 Faida kee zyo wuzipata vanadamu kufuma mgate ni milemo zyose zizyo vakuzivezya hanse ya lyuva? 4 Kevya zi kemwi kekuya, ni kevyazi kenge kekwiza, kumbe ense yekusiga milele. 5 Lyuva lyudula na lyuva lyuloka na iya kukasi, na isuva haho leku famelaga hange. 6 Muyaga gukuvuma kudakama na gupilima kusukuma, ni hange zyose kakupilima mgate ni nzela yakwe ni suva hange. 7 Myongo zyose zyose zyufila manze mgate ni bahari, kumbe ebahari ekakuokala. Haho miongo, ziile ukwene zaile hangi. 8 Kila kentu vuva uzou, na kuduhu yoseyose veyo akowoliwe kukeyombela. Linso lekakwikuta kukela lekukuona, ninga itwi lwkakwikutakukele checho lekugiwa. 9 Chosecose checho cheho huchene kekava xheho, kukele chaka vezyeka huchene kekavezyeka. Kuduhu ipya hanse ya lyava. 10 Kwenigambo lolote lelo vantu vak wlile iyomba, 'Linga, lel ipya'? Chosechose checho chemo chakava chemo itungo ilihu, itungo lelondelyeho kabla iswe. 11 Kuduhu veyo awonike lizukela checho dechandecha fumela kwitungo lya kale. Ni magambo gago ndega fumela nsiku zizyo zya vetile gago gakafumele siku zya hambele nago ga kase ga kumbulwe.'' 12 Ene nde muhembeki, na nave Mwami higulya ya Israeli mgate ya Yerusalemu. 13 Ndenatia masala gane mgate ni soma ni kola kwisima kukikelu chucho cheku vezyeka hanse, welelo. Elolyo ijukumu itumbu lelo uva akavepa vana vanavatu kwilumanya nalyo. 14 Naona magambo gose gauvezekana hanse ni lyuva, na lingi gose mtutu ni igema legusunga muyaga. 15 Haho hagodime hakawo kugololwa! Checho vhe haduhu kekakowolika kuvaziwa! 16 Naguwela mwego gwane nayomba, ''Linga, na pandeka isima ikulu kukela vawo nde vaikala ku Yerusalemu ekabla yane. Masala gane gawona isima ikulu ni manya.'' 17 naguti mwego gwane ni manya isima ni ule leniungaiwa masala. `Nagundula kuva elenalyo angese nde lyaku ngema leusungu umuyanga. 18 Mkuva mgate mwingi mwa isima kule maduko mingi, nawe akuongezya masala, veyo akuongezya misayo.