1 V'agosha , mfunye kuv'azya magambo gago gale ni haki ni witaume. Mmanyile hange kati vyo mlenave mgosha wa Mmalunde. 2 Mwendee mwiv'a ni mwego mgate ni malombezi. Mwikale minso mgate ya lelo kushukrani. 3 Mlombe pamwi kunguno yiswe hange, emangu uS'eva alugule emilango kunguno yigambo, mwiyombo uwuv'ise wa ukweli wa Kristo. Ku nguno ya ele tungilwe eminyororo. 4 Na mlombe hange pandeke mleletola hibara, kativyo kutakiwa miyomba. 5 Mye kuchelu , kuv'ale evale hibala, na muukombole umda. 6 Emagambo ginywe na gav'e gaelielu kumuda gonse, emangu mkowole mwimanya kila evyo yikutakuva m'lemjibu kila mntu. 7 Ku magambo gago gakuhusu ene, Tikiko akagav'ezye gamanyeke kuwinywe. Umsav'a wa udugu mtogwa mtumami mwaminifu, mzya mwigisu mgate ya Mgosha. 8 Kumtuma kuwinywe kunguno ya ele, ee mangu mmanye emagambo gakuhusu iswe ni hange mkowole mlev,apa mwego. 9 Kumtuma pamwi ni Onesimo, mdugu wane mtogwa mwaminifu, na umwi winywe. V'akav'awele kila kintu echo ndechafumela hano. 10 Aristariko, mfungwa mwigisu, akuv'agisha, pamwi ni Marco mv'alaye lyako Barnaba uyo ndemwa pokela utaratibu ijuma kuwakwe, "mba iza kuwinywe, mpokeli," 11 Ni Yesu uyo akwitanwa Yusto. Av'a v'inene v'atohara halafu v'atumama milimo v'ichane kunguno ya wami waku Sev'a. V'ale faraja kuwane. 12 Epafra akuv'agisha. Uyu nave muikinyu na mzya lya ku Kristo Yesu. Umkola akuv'ezya ekatampa mgate ya kulomba ku nguno emangu mwimelel'e kuukamilifu niliagishwa ekekamilifu mgate ya utogwe waku Sev'a. 13 Kunguno muwine avyo akutumama milimo kukatampa kunguno yinywe, kwao y'ale ku Hierapoli. 14 U Luka uyo mganga mtogwa, ni Dema v'akuvagisha. 15 Uv'agishe ev'adugu v'ane, ev'ale ku Laudekia, ni Nimfa, ni nis'engelo leele elele ku kukaya yakwe. 16 Iv'alala alale haho likav'e lyasomwa mkati yinywe, lisomwe, lisomwe hang'e kumisengelo gawalaodekia, ninywe mwakikisha mkulisoma leele iv'ala mwifuma Laodekia. 17 Yomba ku Arkipo, "Angalela yele ehuduma eyo wapokela mgate ya Mgosha mwiv'a ukutakiwa uyev'ezye." 18 Ulugisi alalu lukufuma kumkono gwene ene msav'a - Paulo. Mzizukile eeminyororo zyane. Neema yev'e kuwinywe.