1 U Paulo, mzya aku Kristo Yesu ku utogwe wa ku Seva, ni Timotheo mdugu ywiswe, 2 kunguno iv'aumini nivadugu ivaminifu mgati ni Kristo ivaliuko ku Kolosai. Ive ku winywe, ni amani mkufuma mwa Sev'a V'av'a wiswe. 3 Kukufumya kalumbelo kumwa Sev'a, V'av'a aku Mgosha wiswe Yesu Kristo, na kukumlombela kila mala. 4 Kwakapulika i ukonde winywe mgati ni Yesu Kristo ni utogwe uo mlimao kuv'ale wonse iv'atengelwe kunguno ya ku Sev'a. 5 Mlini utogwe iv'u kusababu ya talaja lya uhakika ilitunziwe kumalunde kunguno inyu. Ndimwapulika ihusu italaja yiyo ya uhakika aho mgati ni gambo lya ukweli, enjili, 6 ambayo izile kuinywe. Iinjili ikuuta iyawo na likwenela haweleo homse yav'a ikuvezya vivyo mkati yinywe hangi tangu lusiku ndimwapulika niliifundisha kati cheelu ya ku Sev'a mgati ni kweli. 7 Yiyo hona injili mwifundisizye ifuma ku Epafla, mtogiwa wiswe mtumami mwigisu, ambaye mtumami mwaminify aku Kristo kuu niaba iswe. 8 Epafra auvezya umanyikane kuuwiswe utogiwa winywe mgati ni Mwego. 9 Ku sababu ya utogwe wuwo, tangu lusiku ndikwapulika vivyo, kukalekile mliv'alombela. Kwava kukulomba kwamba amokaziwa ni masala ga utogiwa wakwe mgati ni masala gonse ni umaye wakimwego. 10 Kwava kukulomba kwamba amyumba kwangalifu wa kumgosha mgati ni nzila izitogiweKwav'a kukulomba kwamba amuuta iyawo mgati ni gambo isoga ni kwamba amv'a mgati ni masala ga ku Sev'a. 11 Kukulomba mpate itelelwa inguzu mgati ni uwezo kutegemea ni nguzu ni usondo wakwe mgati ni ukonde ni ukonde wonse. 12 Kukulomba kwamba kuutogwe, mkafumya kalumbilo kwa V'av'a, uyo amv'ezizye emu mv'e ni sehemu mgati ni ihembeko lya v'aumini mgati ni uwitawale. 13 Akukombola kufuma mgati ni kulu wa lwiti nilisamya mgati ni uwamii wa Mwanne umtogiwa. 14 Mgati ni Mwanne kuli ni ukombolwe, wa usamehewe wa makosa. 15 Umwana mfano gwa ku Sev'a akakuoneka. Na muutwa akwanza wa uumbi wonse. 16 Mkuva umsav'a vintu vyonse ndivyaumbika. Vivyo vilikumalunde na ni vivyo ivilihawelelo, ivintu vikuoneka ni ivikakuoneka. mkuva utukufu au ukulu au uutawa uli ni nguzu, vintu vyonse ndivya umbika kunguno yakwe. 17 Umsav'a akuv'a aiho aho vintu vyonse, na ni mgati ni vintu vyonse visimazye hamo. 18 Ni msav'a ho mtwe gwa mvili yaani isengelo, msav'a hombuko namu utwa akwanza mkufuma mmiongoni kuvao vifwile ivyo, ali ni nafasi yahambele mmiongoni mwa vintu vyonse. 19 Mkuv'a uSev'a ndatageziwa kwamba utimilifu wakwe wonse wikale mgati mwakwe, 20 niliv'apatanisha ivintu vyonse kuu nzila ya ku Mwannee. U Sev'a ndav'ezya ukonde mwivitila magazi iga msalaba gwakwe. U Sev'a nda unganisha ivintu vyonse kuwakwe umsav'a, mwiv'a vintu vya liwelelo au vintu vya kuilunde. 21 Neem pia, kwitungo limo ndimwav'a v'ageni kwa Sev'a na ndimwava va nsika yakwe mgati ni masala ni matendo imav'i. 22 Kumbe hangi mwavakunganya inywe kumvili gwakwe ivitila ulufu. Ndavezya ivi kuv'aleta inywe vasondo, vakali ni misayo na bila ni dosali hambele yakwe, 23 mbe mwaendelea mgati ni ukonde, ndimwa hembekwa kuva lyalole, bila ileziwa kutali mkufuma mwa taraja lya usilingazi lya injili iyondimisa pulika. Yiyo hoo injili itangaziwe kukila mtu aumbiuke handi ni lunde. Yiyo hoo injili ambalo ene, Paulo, nakava mtumami. 24 Hangi mutogeziwa mateso gane kunguno inywe. Nane mugavezya mgati inywe gwane ikikupungua ku mateso gaku Kristo kwajili ya mvili gwakwe, ambao isengelo. 25 Ene ndimtumami ahi sengelo ili sawasawa ni wajibu uwo mpiwilwe mkufuma mwa Sev'a kunguno inywe, mkulyokazya igambo lya ku Sev'a. 26 Uwu ukweli wa sili iyondiya viswa kuumyaka mingi ningakuva utwa. Kumbe agisi valangiziwa kuwonse ivamzumizye mgati ni Msava. 27 Mbekwav'o Sev'a wakov'akufundukula kukila usav'i udehelwa wasili ya hana yeni yi mgati ni Mataifa. Mbe Kristo aimo mgato ing'we, ugimiwa udehelwa uwo wizile. 28 Uyo mwene vumtangazya. Kuvakanizya kila mtu, kuvahembeka v'antu isima lyonse mangu kumlete kila mntu umkamilifu mgati na Kristo. 29 Kunguno yiniyi, enne nuutumamya na kwitaimkugelanizya na nguzu zyakwe ivyo iwita mlimo mgati muann'e kunguzu.