Esura 9

1 Ndinamuona Mgosha aimilile bihi ni alutaru na ayomba, ''Zigume mitwe zya nguzo mangu kwamba emisingi etanganke. Vivele mapingili pingili higulu ya mutwe zyao zyonse, nane nkamnaraga kuhupanga amwisho wao. Kuduhu ninga yumo wao veyo akapera, ninga mbe avasimba ku Sheoli, kuli mkono gwane aguvasora. 2 Ninga mbee avatanda mwiya kumalunde kuko nkavaleta hansii. 3 Ninga mbee avivisa higulu ni Karmeli, nkavakola kuko nilivasola ninga mbee avivisa kuvilindi vya eepwani nkavoonaga nkalagilizya nzoka, evalume. 4 Ninga mbee vayee kunzya, avafyene ukeziwa ni vansilea vao mbele yao, nkaulagilizya lupanga kuko, na ukaulage. Nkaelekezye minso gane higulu lyao kuuvii kali kuusoga.'' 5 Mgosha Seva amajeshi homwene agusizye ensii ni yaguluka; wonse vikile mmo vakaombolezya; gonse gakauke kati Mongo, na ekatetemela hangi kati mongo gwaku Misri. 6 Na msava hoazizyengile enyumba zyakwa kumalunde, na nilianzisha kuba yakwe higulu lya welelo. Umsava akuitana manzi ga epwani; na niligiita higulu lya ushu gwa welelo, u Yahwe hao lina lyakwe. 7 ''Hivii eemu kali kati vantu valiikala ku mwane, evana vaku Israeli? - Alavi hoo Vava ayombile. Hivii ndika valinizye Israeli kufuma nsii yaku Misri, e Vafilisti kufuma ku Krete, ni Vashami kufuma Kiri? 8 Linga, eminso gaku Mgosha Yahwe gali higulu ya wami wa makosa, na nkaunonange mkufuma ku ushwu gwa welelo, esipokuwa mkuva nkashe njinonange kabisa ekaya yaku yakobo - alavi hovyene u Yahwe ayombile. 9 Lunga, nkaamurisha, na nkaipepeta enyumba yaku Israeli mmiongoni mwaomataifa gonse, kati mntu akupepeta engano kalupee, alavi basi kuduhu ninga chembe ya ehee yiyoikaghu hauongo. 10 Evavezya makosa wonse mkati ni vantu vanne vakafwe kulupanga, vala vakuyomba, ''Emavii gakashe gakuvita au mlisangya nansi.' 11 Mkati ni lusiku lulo nkashe ekaya ya Daudi yiyondiye gwile, niligatunga matambi gakwe. Nkagaushe emaboma gakwe, na nilizyenga hangi kati nsiku zya kale, 12 Mkuva evamiliki masogiro gaku Edomu, na ni nsii zyonse ambazo ziitinwe kulina lyano alavi ho Vava ayombile akuvezya ega. 13 Linga, nsiku zikaize - alavii hoo Vava ayombile - kunguno umlimi akamvita ezabibu akamvite veyo alagile mbiyu. Evigutu vikagushe edivai nsemu, na ni vigulu vyonse vikayagutuke kuveyo alinayo. 14 Nkavasuvye kufuma kuuzya evantu vane Israeli. Vakazyengo emagofu ga kaya nilikala mmo, vakatage ebustani zya mizabibu ninywa divai, na vakavezye ebustani nilya mayawo gao. 15 Nkaitaga mpaka kunsii yao, na vakashe vazidubula hangi kufuma kunsii yiyo ndinavapaa, ''Ayomba Yahwe Seva wako.