Esura 6

1 Ole vao vakusherehe mkati ni Sayuni, na kuvala ambao vakaokoka mkati ni nsii ya lugulu lwa Samaria, evantu mashuhuri bora va mataifa, ambao ekaya ya Israeli vakuiza kwa ajili ya msaada! 2 Eviongozi vinyu vakuyomba, ''Vita mwiya kuka Kalne na mkali ugo gufuma kuko yagi hadi ku Hamath, ekaya mkulla; kisha yagi hansi ninga Gathi ya Vapalestina. Je valibora ekira Wamii zinyu evili? Je kuli mpaka mkulu ekira mpaka gwinyu?'' 3 Ole wao vale vaitulile nsiku ya majanga ni vezya uwamii eva kinyume esongera bihi. 4 Valalile higulu lya vitanda vya mpembeni suha hamasumbi gao. Valya ni horo kufuma hidale ni ndamakufuma mluvaga. 5 Vakwimba enyimbo kilela kumziki gwa kinubi; vakutunga ku viseme kati vyaku Daudi. 6 Vakunywa emalwa kufuma mwibakuli na nilipaka emafuta venekili kumafuta ga marahamu, ila vakakuisailila ijuu ya mateso gaku Yusufu. 7 Hivyo gisi vakaya kuuzya hamo ni vazya vahautongi, ni lyangu lya vao viigorolile zikavita. 8 ''Ene Mgosha Yahwe, nakara kunafsi yanne - hivi ho Mgosha Yahwe ayombile, Seva wa majeshi, kuunzila yiyo ekaya wa ku Yakobo; ngaile eboma lyakwe. Nkailezya yiyo ekaya hamo ni vyonse vili mmo.'' 9 Ekaize mkuhusu kwamba kati kuli vagosi ekumi vasigila ku nyumba yimwi, vakafwe. 10 Uwakati vaudugu vamntu yuyo akaize mkusola mwivili zyao - yule ambayo akuvatima ileta emaili mkati ni kaya kati akuyomba, ''Ku mntu mkati ni kaya, ''Je kuli mntu ali hamo nanko?'' Vihe kati yule akuyomba, ''Hapana.''Kisha akayomba, ekara na sele, mkuva akashe alitaji lina lya Yahwe.'' 11 Linga, Yahwe akafumia iamri, ni kaya mkulu ikagumwa vipiligi piligi, kaya udogo mkuva ni nyufa. 12 Je efarasi zikapela higulu lya mtelemko gwa migamba? Je umntu akalime kuko ng'ombe? Mkali mwagaluzya ihaki mkuva suma ni yawo lya haki mkuva elulu. 13 Emvao mkufurahia higulu ya Lo Debari, mkuyomba, ''Je ndikukasolile Karnaimu kunguzu zisu venekili?'' 14 Ila linga, kaniusha higulu yinyu etaifa, kayabyabIsraeli - hivii vava, ayombile Mugosha Yahwe Seva a majeshi. Kukave ni malumbilizyo ku Lebo Hamathi Araba.''