1 Umnamala, kumwa Gayo mtogiwa, v'eyo mtogilwe mgate nihanna. 2 Mtogiwa, n'kukulombela upand'eke veyo magambo gose niv'a ni afya nsondo k'et'e vi'le mwego gwako evyo gukufanikiwa. 3 Emana ndenatogwa itaniva uwakati aho n'denaw'elwa niv'audogo v'aond'ev'aiza iona kete ya hana yako, ketevil'e vivyo ukoya k'et'e hana. 4 Ndodoho utogwe ukulo kate alaye mwipoleka ev'amavane v'akuyumba mgate ya hana. 5 Mwichane ukuyumba ku wangakifu aho ukuv'atumamela ev'audugu niv'ageni, 6 awo v'akahona utogwe wako hambe ya misengelo. Ukuv'ezya v'isoga mle v'atwala msafavi zyao kunze ya lel'ongezya Sev'a. 7 Kusababu ya lele lina ndev'aya ningiso la kentu chonse chonse ifuma kuv'antu v'ana Welelo. 8 Vivyo, nkokov'a elev'apokela ev'antu kate v'awo kuv'ezya emilemo. 9 Ndenalyamdekela idale igambo lemwi kunguno Diotrofre, v'eyo atogilwe kuv'a mtongelezi mmwego gwane, akakuzuma nezya niswe. 10 V'iyo, kate nizile nkagizukela magambo gakwe gago akov'ezya v'inyo akuyomba empola embe ekenyume niswe. Akale alizike nimagambo alaga umsav'a akakuv'apokela ev'a udogo. Akuv'a anav'alesha ev'ange awo v'akumyomwa akuv'a v'akumyomwa akuv'a akuv'akalibisha ev'e udogo na akuve saga vefume mgate nidale. 11 Mtogwa, ukiwelaga ekev'e ila wiwele ekesoga, uyo akuv'ezya emasoga gamwasev'a nuyu akuv'ezya emav'e akale amwone uSev'a. 12 U Demetliyo akaonwa ni wonse hana yene kele nensu ndekwa wona naumanyile mwiv'a ndekwaona. 13 Ndenago magambo mingi galekutonela, lakini katogwa mle kwamwandekela kukalamu ya wino. 14 Ila nkutegemela mbe doho nakonkayombe nanho ana kwa ana. 15 Emola ya chelu nive pamwi naho. Vanuni vanne v'akugisha. V'agishev'e nmwaniyo kila umo kulina lyakwe..