Esura ya 3

1 Ila umanye ili: mkati ni nsiku zya mwisho kulav'e ni matungo malambu. 2 kunguno v'antu v'alav'e v'itogilwe v'asav'a, awo wakutogwa ihela, awo v'akwisifia, iv'ali ni litogwa v'ali nili linsulumalika v'akali kuv'aheshimu v'av'yazi v'ao v'akali na kalumb'ilo na vak'enaguzi. 3 V'akali ni nfumo yawitogwe, v'akatogwa kwikala na mola ya somb'e kukila yumo, v'asonganya v'alembekezi, v'akakoola kwizivila, v'amasola, v'akatogwa masoga. 4 Vakav'e vakwigaluka, ni mpaka, v'ali nilitogwa v'asav'a na v'atogwa mav'i na kuleka kumtogwa Sev'a. 5 Kihibaha v'alav'e nes'ura ya kumtanizya Sev'a ila v'alaikane iguzu yakwe. Mwigaluhany'e na v'antu v'ao. 6 Kunguno mgati yao v'imo v'agasha v'akwingila mgana zya v'antu niliv'akonga v'akima v'alele. Awo v'akima wokalile ukenaguzi ni v'ali nilondoolwa lya mpima zya kila nzila. 7 V'akima av'a woihembeka siku zyose, ila putu v'akakoola kuufila uwelewa wa hana. 8 Kati ivyo yane na Yambre ndi v'imilila ikinyume na Musa kunzila iyi mahembeki av'a v'a ufiwowimilila ikinyume na hana. V'antu v'av'ipiziwe mgati na kuwazia kwao, vakazumanikiwe na mora ya sombe. 9 Ila v'akafike kule. Kwiv'a ulelelele wao ukwatulwa wangaa wa v'antu wose, kati ivyo ndiuli wa awo v'antu. 10 Ila ev'e wagalondile mahembeko gane, insembo yane imakusudi gane, mola ya sombe yane, ikonde yane utogwe wane na konde yane, 11 luduko, usatu nago ndigigela kule Antiokia, Ikonio na Listra. Ndinagavumilia ruduko. Mgosha ndiwanyokoa mgati na gose aga. 12 Wose v'akukov'a kwikala mgati imaisha gakummanya Sev'a mgati na uKristo Yesu v'akaduke. 13 V'antu v'av'i ni v'afi v'akazidi iv'a v'av'i kuzidi. V'akav'adanganya v'angi. V'ene v'asav'a v'akadanganya. 14 Ila ev'e wendelee mgati na magambo ago wihembekile ni ligaamini kuhakika. Kwiv'a umanyila wakifundisha kumwanani. 15 Umanyile yakuv'a kufuma uyanda wako ndiugamanyile matone usombo. Aga gakoolile kukuhembeka kunguno ya upanga kunzira ya ukonde mgati ya mwa Kristo Yesu. 16 Kukila utonwe utulilwe upanga na Sev'a. Lifwaile kukihembekela cha manufaa, mangu kudanganya, kwirekebisha imakosa, ni kwihembeka mkati niki. 17 E'yi ni kuyomba mt'u wa Sev'a av'e akamlike, mbev'a apiwaga inyezo zyose kunguno yiv'ezya kila milimo misoga.