Esura ya 1

1 Paulo mhemba wa mwa Yesu Kristo ku wutogwe wa mwa Sev'a, v'ine vyo na mlahi gwa upanga uwo wemo mgate va Kristo Yesu, 2 ku mwa Timotheo mwana mtogiwa: Cheli, rehema mbola ya somba, kufuma ku mwa Sev'a V'av'a na Kristo Yesu V'av'a winswe. 3 Ndi mulumba Sev'a uyo ndi muv'ezyesha magambo masoga evyowita wa v'va' v'ane, ahondiwizyukila ga mugati ilamba lyane. Uziku na 4 lyuva nutamani kuwona, angumanye na utogwa. Ndiwizukila minsozi gako. 5 Nav'i ndiwizukiwa angu konde yako nsoga, hiyo hi lyandwa ikala kumwa mamayo Loisi na manyu wako Yunisi. Ndi na uhakika kuv'i konde yineyo yikala mgate yako. 6 Eyi nguno nukwizukizya kwendelezya igambo lya mwa Sev'a eiyo yemgate yako ku nzila ya kutulelwa mikono yane. 7 He vyene Sev'a hakakupile voho ya wov'a, ibali ya nguzu na udogwena. 8 Kuduhu uuonele uwu iwona uwo v'av'a mwise, ninga wane ene Paulo mfnugwa wako. Vyene ushiriki mateso ku nguno ya enjili vinivyo na ukowole wa mwa Sev'a. 9 He Sev'a wakupizwa na kukwita ku witamwe msondo. Akitile hivi kulingana na milimo zinwe bali kulingana na Chelu na upango gwakwe msav'a. Wakupa igambo (mihayo) hizi mgate ya Kristo Yesu kabla ya itungo lya kulamla. 10 Kumbe vyene upanga wa mwa Sev'a wafundukulwa kwiza na mpizya winswe Kristo Yesu. Kristo ndi walukana lufu na ku kutula upanga uwo wigele mwisho ku mwanga gwa enjili. 11 Nguno yeneyo nasogolwa kwi muhembeki, mkombe, mhembeki. 12 Nguno yeneyo angu nataseka, kumbe kawona aga nkuwi mmanye msav'a uyondimumanyile kumzumwi. Nena uhakika kuv'i msav'a akowolile kuzitula hecho ndinampa kuwakwe ninga nsiku zile. 13 Wizukile mfano gwi gambo lya nhana elowaligwa kufuma kuv'ane, hakimo na mbola ya somba na utogwe uwo wi mugate ya mwa Kristo Yesu. 14 Gatunzwe magambo(mihayo) misoga e'yondiwakupa Sev'a kuv'itela roho ya msondo uyo uwikala mgate yinswe. 15 Umanyile kuv'i, v'ose awowikalile mgate ya Asia ndiv'andeka. Mwikundi eli v'imo Figelo na Hemogene. 16 V'av'a wairehema kaya ya mwa Onesiforo kuv'i mara nyingi alitogizya na akambonelile nsoni minyororo yane. 17 Ebadala yakwe, ahondiale kuvona ndiwankova kulituma nankumpata. 18 Sev'a amv'ezwe kupata rehema kufuma kuv'akwe nsiku yele. Kite ivyo ndiwangunana ahonde ku Efeso, E've umanyile masoga.