1 Sasa, kukwandekela ev'e, mtogwa ele iv'alala lya wovili mlekutunuzya mgati ni masala, 2 ee mangu mwizukila emagambo endegayombwa kunyuma ni v'afumu v'atakatifu mwihusu ilagizyo lya Mgosha wiswe ni mukozi mwitumila ev'akombe. 3 Umanye embuke, mwiv'a ev'achonganishi v'akaize mgate ya siku zya mwisho mlev,asongannya inyu, v'akav'e v'akuyumba sawasawa nivyo v'akov'ile ev'asav'a. 4 Na v'akuyomba "Yele ne eahadi eya isov'a? Ev'ansinyu ndev'afwa, Lakini evinyu vyose ndev'ile ivyo ndev'ile tangu ya kuumba. 5 Ndev'aivezya mwilav'ela mwiv'a nns'e ni lunde ndevyanzizye muifumelela ni manz'e niv'etela minze ekale na kale, kwi gambo lya mwa Sev'a, 6 niv'a mwiv'etela igambo lyakwe ni minze gav'a lewelelo kwi itungo elo ndeyaokile kwi itungo elo ndeyaokile eminze, ndeyav'ipile. 7 Lakini agisi ilunde ni nnse zya katunzwa kunguno yi gambo lyenelo kunguno ya moto. Vikatunzwa kung'uno ya lusiku lwa hukumu ni mangamizi ga ev'ale v'a Sev'a 8 Eye yekasi yekwepe ukombe wako, v'atogwa, kulusiku lomo kwa Mgosha kate miaka elfu yemwi. Ni miaka yemwi kate lusiku lomwi. 9 Ye kale Mgosha, akuv'ezya hadohado mwitimizya eahadi, kativyo yikwiganikilwa mwiv'a, lakini umkola mvumilivu kunguno yinywe, umkola akutamani ninga yumwi alumile, Lakini akutamani mwifuma muda emangu wonse v'apate mwituba. 10 Ni ngivyo, nnsiku zya Mgosha zika ize kate mwivi, ilunde likav'ate muiloloma. evintu vyonse vikateketezwe ni moto. Nnse ni vintu vyonse evyo vyemo vikafundukulwe uwanga. 11 Kunguno evintu vyonse vikateketezwe kunzela eye. Vihe ukav'e mntu avihe? Wikale eketakatifu ni maisha ga gakiseva. 12 Ukutakiwa umanye ni linzukila wangu wangu wizelelo wa siku zya mwa Sev'a. Ulusiku lwenulo ilunde likateketezwe kumoto. Ni vintu vikayugutulwe mgate ni iduta idaki. 13 Lakini mwifumelila kunguno ya ahadi yakwe, kukalindele ilunde ipya awo v'ale ni haki v'akikale 14 Evyo v'uhame kukutegemela evintu evi, witahidi mwiva maini ni lalamikilwa ni mwiv'a ni amani pamwi nawe. 15 Na uzingatele uvumilivu wa Mgosha mgate ya wokovu, kativyo mdugu mkulu wiswe uPaulo, ivyo ndav'andikile emu, kufumilila ni hekima eyo ndapiwa. 16 U Paulo akugumiza ago gose mgate ya mav'alala gakwe, kule evintu vivyo vilambu mlevimanya ev'antu v'awo v'ale uduhu eadabu ni wimara v'akavinonanga evin'tu vivyo vivyo, kate ivyo v'akuv'ezya kumaandiko. Mwiyela emaangamizi gawo. 17 Kwa hiyo, v'aduguv'ane mgamanyile genago. Mwilinde emu v'asav'a emangu mkiza msumbeke mwiv'etela ev'adanganyifu ni valaghai ni v'awo v'akusumba uuwaminifu. 18 Lakini mkule mgat'e ya chelu ni uumanyi wa Mgosha ni mwokozi Yesu Kristo. Ni agise ni ukulu ule ni mkola agise na milele. Amina.