1 Simoni Petro, Muzya ni mkembe wa Yesu Kristo, K'u v'ale nd'ev'ayepokela ukonde wa thamani kat'evyo kwayepokela iswe, ukonde we mgate ni haki ya ku Sev'a ni mwokozi wiswe Yesu Kristo. 2 Chelu k'ev'e kuwinywe, upanga wongezeke kwiv'et'ela masala ga mwa Sev'a ni Mgosha wiswe Yesu. 3 Kuv'et'ela masala ga Sev'a kwa kapand'eka mihayo yakwe yose kunguno ya uchaji wa kwihala, Kufuma kumwa Sev'a uyo wakwifana kunguno ya usoga wa uwanya wakwe. 4 Ku nz'ela ey'e nd'e wakwahidia tumaini nhanya ya galama. Wav'ezya el'e kul'ekuv'ezya v'asazi wa mbuk'e ya Sev'a, kadiri evyo kuendelea kul'ewuleka wononi wa l'ewelelo e'le. 5 Kunguno ey'e, muvezye ebidii mulyongezya uusiga ku nz'ela ya ukonde wao, kunguno ya usoga, masala. 6 Kwi v'et'ela masala, kiasi na kuv'et'ela kiasi saburi ni kuv'et'ela saburi, ulawulage. 7 Kuv'et'ela kuwulaga wutogwe wa wud'ugu na kuv'ete'la utogwe wa wudu'ugu, wutogwe. 8 Katevyo magambo aga gemo mugat'e y'enywe, gweudelea kukula mugate yenywe, hevyo ninywe mkakowile kuv'a v'agumba au v'antu v'akakuwuta matunda mgat'e ni masala ga Mgosha wiswe Yesu Kilisto. 9 Kumbe yeyote akal'e na magambo aga, ugaona magambo gal'e mb'ehi du, mwenek'el'e mpofu. wakalav'ela uwojiwa wa makosa gakwe ga kale. 10 Ho vyene, v'ad'ugu v'ane, muv'ezye bidii kwihakikisha wuteule ni lwito kuguno yinywe. Mbe mlagav'ezye aga mliashe mkumpe. 11 Kumbe mlipat'ele wingi mzigo gwa kwing'elela mgat'e ni wami wa milele gwa Mgosha wiswe na mp'ezya Yesu Kilisto. 12 Hivyo ene ndav'e nde tayali ml'ev'ezuk'etazya magambo aga kela itungo, ninga mbe mgamanyile, ni g'es'e mwav'aga hodari mgat'e ni lole. 13 Kwigan'ek'ela at'e ndeko msaliti mliv'atunuzya ni kuwakumbusha ligulu ni magambo aga, nkal'e nd'emo mgat'e ni teuri el'e. 14 Kunguno manyile ate yekav'ele itungo ilihu ndayesiny'e itenti lyane, kativyo Mgosha Yesu Kilisto evyo ndambonyisizye. 15 Nditahidi ku bidii kunguno yenywe mangu mwizu kele magambo aga ndav'e mbe nawuka baadaye. 16 Kunguno iswe ndekukalondile nsunsu ezyo zing'ezwa kuwufundihale ndekwa v'ew'eta kuhusu nguzu nilizihilisha kwa Mgosha wiswe Yesu Kristo, iswe nd'e kwav'a v'alolezi wa wutukufu wakwe. 17 Mwen'ek'ele ndapokela ukulu ni utukufu kufuma kwa Sev'a v'av'a aho sauti ndiyapul'ekwa kufuma mugat'e ukulu muhanya yuyomba, uyu ho mwanawane, mtogwa wane uyo natogeziwa nawe." 18 Nde kwigwa muzwi gufumile kwigulu(mbinguni)aho ndehul'e nawe ha lugulu msondo. 19 Kw'enalo el'e igambo lya ulaguzi uwe wakazumiwa, elo uzumiwe vizoga kul'el'ezyenga. Yelehat'e tala yu v'aka mgiti mpaka mkumcha ni nsonda zya uchele uziku zyuwigela mgate ya myego yinywe. 20 Mmanye aga ya kuv'a kuduhu ulaguzi uwo wuwa nd'ekwa ku nguno ya kwigan'ek'ela ku mlaguzi mkola. 21 Kunguno kud'uhu mlaguzi uwo wiza ku utogwe wa muntu, ila isipokuwa v'antu nde v'em'elelwa ni Mwenzo Msondo uyo ude wayomba kufuma kwa Sev'a.