1 Uyombi uwu wa kwaminika: Kati mtu kwigomelwa kuv'a Mwimilizi, akwigomelwa mlimo msoga. 2 Kunguno mwimilizo lazima av'e na misayo. Ila lazima av'e mgosi lya mkima yumo. Ila lazima av'e na kido, masala, av'e mkonde, wakisa. 3 Hangi av'e na akoolile kuhembeka. Kuduhu av'e akunya malwa, kuduhu av'e wa masola, ila av'e mkonde av'e wa mbola ya sombe. Ila kuduhu av'e wa kutogwa ihela. 4 Umv'ezya kuv'imilizya visoga v'antu mnyumba yakwe msav'a ni v'an'a v'akwe yuv'abidi kumwigwa kuutungi. 5 Mbe yav'a mtu akamanya kuv'imilizya v'antu v'a kukaya yakwe, msav'a akalilela vihe misengelo lya mwa Sev'a? 6 Akav'a msenezya upya, mangu w'a akiza aizyula nigwa mkati ni masumle kati uyo mv'i. 7 Av'e mtu wa kwikulilizya visoga kuwose vali hibala, mangu akiza akagwila kunsoni mumtego gwa mv'i. 8 Mashemasi, vinivyo wotakiwa kuv'a ni sima, v'akav'a v'av'e ni mpola iv'ili. Vakatumila malwa kuv'ila kipimo au akav'a ni ntunku. 9 Vakoole kulitunzya kunzira nsoga i'ya hana ya sombe iyifundukililwe. 10 V'av'e v'elewike kamo hangi vakoole kutumama kunguno v'aluduhu kusaya. 11 V'akima hangi nao v'av'e ni isima. Vakav'a valembekezi. Vav'e na kido cha hana kumola zyose. 12 Mashemasi va lazima v'av'e v'agosha v'a mkima yumo. Lazima v'av'ezye kuv'imilizya visoga v'ana v'ao na v'a kukaya yao. 13 Kwiv'a v'ale v'akutumika v'isoga v'akupata imisimamo msoga ni ugimu mkulu mkati ni usondo uli mkati ni Kristo Yesu. 14 Kutona magambo aga kuwako, na nina mwego kwiza kuwako aha behidu. 15 Mbe yav'a kukelezya, kutona mangu upandike kumanya kugela vihe kulonde mgati ni mis'enge kaya yamwa Sev'a, ilo ni misengelo lya mwa Sev'a uyu mpanga, hingi na msaada gwa hana. 16 Na ikakuziv'ilika kwiv'a ihana ukulu wafundukulilwa na muhanya: "Ndiwaoneka mkati ya mv'ili, watulwa na Mwego, ndiwigela na malaika, watangaziwaga mkati ni liwelelo, waminiwa na liwelelo na asoliwa mwigulya mkati ukulu."