1 Mb'e vyene, v'adugu, kuliv'apa nguzu na kuv'ayangula kumwa Yesu Kristo kil'e evyo mwalangiwa magambo kufuma kuwiswe nguno yakuya na kumtogezya Sev'a, k'uzila yeniyo mye na kuv'ezya hang'e. 2 Kunguno mmanyile emaelekezo k'e ago kwavapa kuv'it'ela V'av'a Yesu Kristo. 3 Mbe vyene aga he mawitogwe gamwa Sev'a: uhembeko wing'e muwukana umalaya, 4 Kila umo wing'we amanye kuv'i na mkema wakwe msav'a mgate nsondo ne heshima. 5 Kuduuw'e na mk'ema nguno ya mp'ema zya mv'ile (k'eti Mataifa ago gakammanya uSev'a). 6 Kundu aweiho mmtu uyo wakukila hama na kumenwa mduguye kwigambo hili. Kunguno uV'av'a hemwene wak'ulep'elezya magambo genaga, k'et'e ivyokwatongela kuvakanizya na kwilolela. 7 Kuguno V'av'a akakwitamile kumav'i e'bali ku nsondo. 8 Uyo wal'ekana ile akakukana vantu, mbe vyona umkana Sev'a uyo wav'apa Mwego Sondo yakwe. 9 Wetogwe wa ndugu, kuduhu nguno ya mntu yung'e kuv'atonela kunguno mhembekiwa na Sev'a kwitogwa ing'wening'we. 10 Kuyalole, mwita agagose kuv'adugu awov'eko Mekadonia yose, kumbe kumyangula, vadugu, mwite ninga nagange. 11 Kuvayangula mtogwe kwikala maisha masoga kwiza mil'emo zinywe, na kwita milemo kumikono zing'we k'eti ivyo kwav'ahembeka. 12 E'ta aga ukole kuyavisoga kwisima kwao v'alihibala ya ukonde bangukuduupunguk'elwe na ago alomba gogote. 13 Kukamile inywe mumanye e'yoy'e kavile hana, inywe vadugu, higulya nawo valalile, mangu kudumwize msaye k'eti v'angi av'o hana kulingana ni tungo lizile. 14 Mbe kusanizya kuv'i uYesu wafwe na kuhembuka hangi, vyene vivyo Sev'a alav'alete hakimo na uYesu av'o vafwe mgate nawe. 15 Nguno ya genago kumuw'ela inywe kwa gambo limwa V'av'a, hivi iswe kwiv'apanga ao kulav'ekweho hitungo lyakwiza kuv'akwe V'av'a, hana yene kukashe kuv'atongelele av'o wafwa. 16 Kwavi V'av'a msava alize kufuma kwilunde. Alize na muzwi mhanya hakimo na muzwi gumwa malaika mkulu, hakimo na muzwi kwa parapanda y'emwa Sev'a, nav'o wafya m'ngat'e yimwa Kristo walahembuke hangi. 17 Iswe av'o kwiv'apanga, av'okusigile, kulisanje mgat'e na malunde hakimo nao kumsumb'ela V'av'a kwigulya kunzila y'eniy'e kulav'i na V'av'a nsiku zyose. 18 Mbe vyene, mwihani inywe kuinywe kumagambo aga.