1 Vadugu, vane kudumwamini mwego, zigemelagi myego muzione mbezele mbezifumile na Mulungu, kunguno vakombe vingi va ufi vafumile mulelo. 2 Kuleneli mkagumanya mwego kila mwego gukummanya kuva Yesu Kristo wizaga mugate na muvili gwa mwa Mulungu, 3 na kila mwego ugo gukammanya Yesu sio gwa mwa Mulungu. gunugu umwego kumpenga kristo, ambago mwagigagwa kuva aizile wakati wenue tayari aliawelelo. 4 Inywe wose vamwa Mulungu, na vana vadugu vane mwamalaga kuvakinda kunguno mwenekeli ali mngati niswe mhanya kuliko menekeli ali mugate na welelo. 5 Vasava vamwa mulungu kunguno icho valikiyomba cha uliwelelo na welelo yuvadegeleka. 6 Iswe va mwa Mulungu. Ukudegelekaga iswe na mwenekeli aki mwa Mulungu hakakola kukudegeleka mugati na linile kumanyile mwego gwa ukweli na mwego gwa ufi. 7 Vadugu, kwitogwe iswe ku iswe kunguno utogwe wamwa Mulungu, wukila yumo uyo amtagwile wantagwa na Mulungu na ku mmanya Mulungu. 8 Uyo akamtogwa akammanya Mlungu kunguno ndio witogwe. 9 Mugati nili utogwe wa mwa Mulungu lyafumuliwa mmyoyo ziswe kwa Mulungu wamtuma mwane azi muwelelo ili kwikale kuvetela. 10 Mungati nuvu witogwe, siyo kwamba kwamtogwa Mulungu, lakini mwenekili wakutogwa na wamtuma Mwaneave faida ya zambe ziswe. 11 Vadugu vane, ulu Mulungu wakutogwa iswe vilevile yukupasa kulitogwe iswe ku iswe. 12 Kuduhu ninga yumo uhu wamuona Mulungu mbe kwitogwe iswe ku iswe uMulungu akwikala mkaya na witogwe wakwe wakamilikaga mukaya ziswe. 13 Mugati nale akumanyile kuwa kwikile mukaya yakwe na mwenekili mukaya ziswe, kunguno wakupanga Mwego gwakwe. 14 Na kwaonaga na kwashuhudiaga kuva Uvava wamtumaga Mwane kuva mpezya wa mliwelelo. 15 Kila aliganika kuva Yesu ndi Mwana wa mwa Mulungu akwikala mkaya ziswe na msava mugate mumwa Mulungu. 16 Nakumanyile na kwamini utogwe uwo alinao Mulungu mukuyaziswe na Mulungu wina utogwe, na msava akwikala mukaya ya utogwe akwikala mkaya ya mwa Mulungu nu Mulungu huwikalaga mukaya yakwe. 17 Katika utogwe wahili lyamala kuvezeka kati yiswe, kunguno kuve na ujasili ili lwisi lwa kulikumiwa kunguno kiti msava evyo ali nswe yeniyi kuli mgate na welelo yeniyi. 18 Kuduhu kugoha utogwe ya utogwe lakini utogwe kamili utaga fofu ibala kunguno kunguno ofu yuusiaaga na ukumi. Lakini uyo akogohe akakamilishwa mgate na utogwe. 19 Kutogilwe kunguno Mulungu wakutogwa kwanza. 20 Ikava yumo wayomba asante, "Namtogagwa Mulungu" lakini akumgaya mduguye sanga mufii. Kusababu uyo akamtogwa mduguye uyo amuwine akakola kumtogwa Mungu uyo akamuona. 21 Na yeniyi nyene iamri iyene kwinayo kufuma kuwakwe yeyote uyo amtogilwe Mulungu yutakiwa mtogwa mduguye hana.