1 Ikava kode itiwa ngoo katika Kristo. Ikava kode faraja ifumya katika ikunda jake. Ikava kode ushirika o ngoo. Ikava kode rehema na huruma. 2 Kamilisheni sia yakwa ko kunia umu mkava na ikunda jimu mkava umu katika ngoo, na iva na kusudi jimu. 3 Muute ko ijivagwa. Na ringa kilakeri ko inyenye kea mkavaona vengi iva keba zaidi yanu. 4 Kilaumu wanu alalambwe tu mahitaji vake binafisi, ila na lambwe mahitaji va vengi. 5 Mve na ngoo iya aode Yesu Kristo. 6 Mekoje icho cha Makilunga. Kake alerogwa cha nyi Makilunga nyikindo iyadana nakyo. 7 Kitevi alejisosa amonyi. Eleirya iyumbo ja utumishi. Kafumya katika mfano wa mndu. Eleonekana mundu. 8 Icho alekufuna na kaidikya hatakipo, kipu kya msalaba. 9 Kudo lwaha Makilunga elemtukusa munu. Elemninga rina jidue jiidye kila rina. 10 Eleuta kudo ili ke katika rina ja Yesu kila nndi mpaka jirame. Nndi sa vakeri ruveu na vakeri uye ya ghwanda na nghwanda ya ghwanda. 11 Na nyale uta kudo ilike kila ulumi shariti udede ke Yesu Kristo nyi mndumi, o uwele o Makilunga Papa. 12 Ko kyo, vakunda vakwa chakundu mna tii furisose, chike katika uwepo okwa kake lwaha nyi zaidi mnu ata kula keri uwepo okwa, utenyi wokovu okwa mvenyi ko iyoghwa ne dedema. 13 Kokyo nyi Makilunga aneuta uya yanu ilivadime iuta shindo shi na mworokya icho. 14 Utenyi shose bila ilalamika na ubishi. 15 Utenyi kudo mlalaumiwe na va Makilunga vaaminikye na valade lawama. Utenyi kudo kitevi mve kilangaro, kya orika ko kitevi kya ushao uvichwa na uvichwa. 16 Adenyi necha kidedo kya moo mfuri ya Kristo. Kisha ngape manya kengele kava ukungamana na ngeletafunjika. 17 Kake ata ngana leswa cha sadaka uya ya dhabibu na ngoo yanu, inaorokwa, nangiorokwa kimu nainyi nyose. 18 Kudo kudo mnaoro kywa, nainyi ngana orokywa kimu na inywe. 19 Kake ngana orokwa katika Mndumi Yesu mndumwa Timotheo kwanu kufui ilike ngidime ningwa ngoo ngape manya mambo vanu. 20 Kokyo ngalaode ungi aode mtazamo cha wake, aode nia ya loi ko kitevi kyake. 21 Vengi vose ambao ngevaduma kwanu vana shigha mambo nachi shindo sha Yesu Kristo. 22 Kake mwichi thamani yake, ko kitevi kya mwana anamuutya papa ke, kudo eidikya kimu nainyi katika injili. 23 Kokyo ngaichi iduma movinyi kigheri ngape manya kipefumiya koko. 24 Kake ngaode loi ke inyi ngimonyi kavi ngapecha kufui. 25 Kake ngaichi imwende kwanu ko Epafradito. Icho mndu odu na muuta uya okwa na askari okwa na mndumwa kokitevi kyakwa. 26 Kokitevi eliva na uwongu na nyele fuda iva andu amu nainywe vose kokitevi mlemanya kwamba evekeri na mndu alue. 27 Nyekeri alue loi andu epa. Kake Makilunga ele muhurumia, na kicha kyo kivekeri uye yake, kake kavi uvekeri uye yakwa, ili ngalave na uwoghu uye yakwa. 28 Koko ngana muurigha kwanu, kitevi mkamwona kavi ili mpate sia inyi ngapeva ngamekure na inywe. 29 Mdikirenyi Epafradito katika Mndumi ko siha. Vaheshimu vandu cha icho. 30 Kokitevi eleva ko ajili ya uya o Kristo eshikya ipa. Etarisha orika lwake inifunlya inyi kauta. adimapo iuta katika inyi hudumia inyi ke mkeri kwacha na inyi.