Mbwana 1

1 Yuda, mdumwa OYesu Kristo, na mndwawo O Yakobo, ko waja waledikirwa, wakandwa ko Ruvwa Papa, na wakirwa ko kitevwi kya Yesu Kristo: 2 Rehema na Okundo shiengerijwa kwanu. 3 Wakunde, kigheri ngiwekeri wuta naiwareighya inywe ikirwa jedu jose, ilengitewie iwareghia ko waikimbia mtarakiane ko inancha na uidikye iwekeri wamenengwa mara jimu ko waadikye. 4 Kitevwi wandu vwaengi walekuingira ko kirika makidi yanu wadu waja vwaledikinwwa ofano lo kitevwi kya hukumu wandu walakeri. Wecha weilacha mbora ya Rvwa odu ko uwivi na imkana mundumi odu mwenyi na mudumi Yesu Kristo. 5 Lwaha ngakunda iwakumbura inywe mwichi necha ke kuode kugheri mndumi alewakira wandu kawafuna orika lo Misri, ade kake kawadesadesa waja weleode mwidikye. 6 Na malaika waja walaleringa enzi wawenyi wakada kanyi kwavwo Rvwa nyawadera minyororonyi ya ndarasi, momenyi, ko-kitevwi kya hukumu mkono icho indue. 7 Koja chandu Sodoma na Gomora na miri itengetie, ade walekuingira wawenyi masingonyi na wakawadia ifuda jilakeri javwo. Walelorwa ko mfano waja weteseka hukumunyi ya modo o ndarasi. 8 Koikyo, ko njia iya iya waroti vwa vwechafua njosese saw, na ilegha uitori, na ideda uongo kimbi kya Mwele. 9 Kake hata Mikaeli malaika indue, kigheri ewkeri narikiana na mnyamaizi na iweserana nacho ko kitevwi kya osese lo Musa, alekarija iende hukumu ya wongo kimbi kyake, kake ade kaamba, "Mndumi nakuta nawe." 10 Kake wandu vwa wanaende wongo ko kyo- kyose walakiichi. Na kija walakiichi - kija andu nyamandu walaode urango wemanya ko kimbata -ishi nyisho shilewanyamara. 11 Kyawo - kyo! Amu wakenedambika njia ya kaini, na iwadia unyamari O Balaamu. Wakadekya mteghonyi o Kora. 12 Iwa nyiwo inarara vwa ndima sanu okundo, wakenaghorokywa bila sonu, Wakenaja tu wawenyi nyi marindi walaode mringa, wechiirwa na orukuta, nyi shidi shilerumbuka shilaode ndunda shipie mara kawi shihuhijwa miru. 13 Nyi mawimbi wa olubabali waode olodo na ifuna sonu iwo wawenyi nyi ng'ng'eri sinatengetatengeta sienyi njuu ya moma ulederwa ko - kitevwi kyovwo ndarasi. 14 Enoko, Osaba mwitale O Adam, nyairoti kimbi ivwo, akeamba, "Lambwa anacha na maelfu ko maelfu wa waele wake. 15 Kimbi naute hukum ko kila mundu, na iwawikia mteghonyi wose waja walakemterewa Rvwa shirundi shavwo shose waleshiuta na njia sikeri siele, na ko shidedo shose shikarije ko waja wakeri waele wadedye kimbi yake. 16 Iwa nyi waja waledughushika, wakenemnusuka navwo wakenawadia ifuda javwo ja unyamari na ikuitai munu, navwo ko faida yaowo yelemba vwengi. 17 Kake inywe, wakunde, kumbukenyi shidedo shidedwa kala wadumi wa mndumi Yesu Kristo. 18 Waambie kwanu, kigheri kya mwisho kupewa na wandu wapemsalata iwo wechiwadia ifuda javwo jiwode uele. 19 Wandu wa nyiwalesani, waitorio na ifuda javwo ja kimbata, na waode ngoo. 20 Kake inywe, wakunde, chandu mkinekushumba mwidikye oanu uele mnu, na chandu mkinaterevwa ko iele. 21 Kuringenyi na lukundo lo Ruvwa na mvwedeje mbora ya mndumi odu Yesu Kristo ewanenga moo o ndarasi. 22 Lorenyi mbora ko waja wakenemena. 23 Wakirenyi wengi ko iwafuna modonyi. Ko wengi lorenyi makene na mkongajo mkeilusha hata seri iwikwa itone ja osese. 24 Lwaha apedima iwaringa mlache kawa mtulia, na ittewe mumkane mbele ya uele wake kulaode mwandu na sighorokywa jidue. 25 Ko Ruvwa amonyi inkira idia Yesu Kristo mndumi odu, uele uvwe kwake, udue, Oru na pinya tangia kigheri kyose, na lwaha na ndarasi. Amina.