Mbwana 1

1 Iho kuvwoka kuvwewode kidedo, na Kidedo evweketi ko Ruvwa, nacho nyevwekeri Ruvwa. 2 Icho, kuvwoka, nyevwekeri ko Ruvwa. 3 Shoose shileutika kwake, lecho kyeutika kyo kyoose po. 4 Ipo moonyi kwake nyipo kuvwekeri mlungana, na uja nyukeri kilangaro kya vwandu. 5 Na kilangaro kyo kile langara, moonyi na moma uledima po. 6 Kulefumia mundu aledumwa afuma ko Ruvwa, rina jake Yohana. 7 Iho naikimbye, nasingisirye kilangaro kija, wose vwadime idikija ko icho. 8 Icho evwekeri kilangaro po, icho nyalencha nasingisrye kilangaro kyo. 9 Kuwekari kilangaro kyenyi nambikye kilangaro mundu icho nyalecha orikenyi. 10 Nyekeri orikenyi, orika lukeri kitewi kyake, na orika lulemmanya po. 11 Nyelecha kwake, na vwaja wake vwalemwadija po. 12 Waja wose vwelemwadija nyalenenga orika loutika vwana vwa Ruvwa, waja vweleidikija rina jake, 13 Vweleoneka ko ndakame po, na nyikunda ja osese po, nama ikunda ja mundu po, nyiko Ruvwa. 14 Na Kidedo nyaleutika osese kadamia kodu, naise jikamuona uele wake, Uele cha o mwana amonyi afuma ko papa, aichunje sia na loi. 15 Yohana nyaleimukya kidedo ko oru, ichu nyicho ngalededa icha jake ke nyakeri numa yakwa kake nyengisongojie inyi, ''Amu nyevwekeri kuvwoka kokwa.'' 16 Koikyo irunda jake ise kose jileadija, sia uye ya sia. 17 Kimewa torati nyileendwa na kooko ko Musa. Sia na loi silecha na kooko ko Yesu Kristo. 18 Kuode alemwana Ruvwa kyeri kyose po. Nyimwana amonyi akeri kipuvwenyi kya Papa, ichunyicho alemshukwa. 19 Naichunyicho imukya ja Yohana chakundu Wayahudi vwalewaduma, ''Kwake makuhani nawalawi wafuma Yerusalemu ili vwamwesere, iwe nyiu?'' 20 Nacho kaidikija, nama alekana po,nyeleigikijake, ''Inyi chi Kristo po.'' 21 Wakamwesera, ''nyiweu?'' Kaamba wai Elia? Nyinyipo, ''Lwe nyi.'' Nabii uja? Kaamba wai.'' 22 Basi vwakamwesera vwe nyiunga? matika jiwadamadye chandu jadumwa odivwia kuda ipo ngoonyi kwapo''? 23 Kaamba, ''Inyi nyi mundu ngakenadya batenyi: 'Ghorwenyi njia ya Mundumi,' Chakundu alededa Nabii Isaya .'' 24 Na waja vwalefuma ko Mafarisayo. 25 ''Wakamwesera, ngiki ukinebatisa, koja ulakeri Kristo nama Elia nama Nabii uja po?'' 26 Yohana kawawia, ''Kee inyi ngakenabatisa ko mringa. Makiidi nyamkye icho mlamwichi inyiwe. 27 Nyicho akenacha numa yakwa nama ngapedima tarahwa ndusu sa kyadu kyake po.'' 28 Shose shileutika ipo Bethania, ngalipo ya Yordani, ipo andu Yohana akerinabatisa. 29 Mkono o kawi kamwona Yesu akenacha kwake, ''Kaamba lambwa mwana kondoo o Ruvwa echiirya sambi sa orikenyi! 30 Ichu nyicho ngalededa ke akenacha mundu numa yakwa nacho nyewengiso ngoje amu nyewekeri mmbele okwa.' 31 Nainyi ngalemmanya, kake namanyike ko Israeli, nyikyo kitevi ngelecha ngabatisa ko mlinga.'' 32 Kingi Yohana nyaleimukya kadeda, ''Ngaona Ngoo ya Ruvwa ikesoka cha hua ifuma Ruvweu, nacho kadamia uye yake. 33 Nainyi ngalemmanya po, kake icho alengidanada ibatisa ko mringa, 'Nyicho alengivwia, icho upemuona ngoo ya Ruvwa yesoka na idamia uye yake, icho apebatisa ko moo Mwele.' 34 Nainyi ngameona ngaimukya ke ichu mwana o Ruvwa.'' 35 Kingi nkono o kawi Yohana na vwaloshi wawi, 36 Kamlambwa Yesu akenedambuka, ''Kaamba, lambwa mwana kondoo o Ruvwa!'' 37 Waja walossshi wawi wakamwichwa ededa, wakavwadia Yesu. 38 Yesu kaghaluka kawaona vwembiadia kavwaisera nyunga mkemshigha?'' Wakambiya, ''Rabi, (maana ake 'Mwalimu,' Ngukuudue?'' 39 Kawawia, ''Njoonyi nainywe mpeone.'' Wakaenda wakaona andu echidaia; wakadamia mfuri icho na kuvwekeri saa kumi. 40 Andrea mndwavo o Simoni nyekeri na waja wawi wakinemwadanya Yohana na imbwadia Yesu. 41 Ichu kamwona kwanza Simoni mndwavo, ''Jimemuona Masihi'' (maana Kristo). 42 Kandamada Yesu. Na Yesu kamlambwa kambia, ''Nyiwe Simon mwana o Yohana'' lwaha upedikimwa Kefa, ''(tangalatu yake 'Petro' au igho). 43 Mkono o kawi nyeuvi na dambuke Galilaya, nacho kamuona Filipo Yesu kambia, ''Ngiwadia.'' 44 Nacho Filipo nyiwekeri mudu o Bethania, wenyi mri o Andrea na Petro. 45 Filipo kamwona Nathanael kambia, Jimemwona icho elereighwa na Musa katika Torati na Manabii. Yesu o Yusufu, mndu o Nazareti. 46 Nathanael kambia, '''Nakuvwode kideto kicha kipefuma Nazareti?'' Filipo kambia, 'Njio uone.'' 47 Basi Yesu kamwona Nathanael akenacha kwake kadeda, ''Kaamba , lambwa Mwisrael loi loi kuode uvwinchwa kwake po!'' 48 Nathanael kambia, ''Nyongimanya kuda?'' Yesu kambia, ''Kabla Filipo alamekudikira, andu uwekeri wanda ya kidi ngewekuonie.'' 49 Nathanael kamtalua, ''Rabi iwe mwana o Ruvwa! Nyiwe Mangi o Israel''! 50 Yesu kamtalua kambia, kitevi kija ngakuwia ngakuona ukeri wandaya kidi ngiki? Upeona shindo shidue kuliko ishi.'' 51 Kambia, ''Amini amini mpeona Ruvweu serughuruka na malaika wedoja na isoka uye ya Mwana o Adamu.''