Mbwana 4

1 Vandumi, fumanyi ko vadumwa shindo shikeri loi na shicha. mwichi ke imwode mudumi o ruveu. 2 Dambukyenyi iva vyechako shitevo. Damyenyi meso ko ikyo ko itereshe. 3 Terekenyi andwamu ko kitevi kyedu kavi, matika ke makilunga narugwe mongo kokitevi kya kidedo, ideda kirika kya loi ya Kristo. Kokitevi kya iki ngapungwa minyororo. 4 Terekenyike ngidime ijivikya kwarye, chakundu inginya rye ideda. 5 Dambuka ko waria ko vaja vakeri uja, na mukime kigheri. 6 Shidedo shamu shive sha mbora kigheri wose, na shiade monyo furu sose, matika ke mdime manya chakundu imwinyaryenyi imtalwa kila mundu. 7 Ko shindo shingiupi inyi, Tikiko apevauta vamanyike kwanu. Icho nyi mwana o vama mkuudwa, mdumwa mcha, na mdumwa okodu ko mudumi. 8 Ngamduma kwanu ko kitevi kya ikyi, ke mdime manya shindo shedu na kavi ke nadime ivaninga ngoo. 9 Ngamduma andwaamu na Onesmo, mwana o vama odu mfudwa mcha, na umu wanu. Vapevavia kila kindo kyafumya iha. 10 Aristariko, mpunywa ongi. Okwa, anavadikira, kave na Marko aulai wake na Barnaba mladija kipevasongora ifuma kwake. "Chakundu akecha kwanu mwadijeemji. 11 Na kavi Yesu apelaghwa Yusto. Iva venyi vadinnwa vauta uya ongioinyi ko kitevi kya umangi o makiminga. Vakeri mwolora okwa. 12 Epafra akinevadikira, icho nyi umu wanu na mdumva o Kristo Yesu icho nye kwinyagha ko shitenevyo kokitevi ke mdime imka ko urije na isingisirywa kishikye ke ukundo wose o makilunga. 13 Mekoje nganemdedya, ke aneuta uya ko okwinyagha ko kitevi kyanu, ko ivo vakeri Laudekia na ko ivo vakeri Hierapoli. 14 Luka iya dakitari mkundwa, na Dema vanavadikira 15 Vadikire vana va vama wakwa vakeri Laodekia na Nimfa, na Ikanisa jija jikeri kanyi kwake. 16 Barua hi ikava imesomwa umu wanu, isomwe kavi ko kanisa ja Walaodekia, nainywe kavi msingisirye isoma barua ya ifuma Laodekia. 17 Deda ko arkipo, "Lamba kitaramo kija kisa umekia dija ko mndumi ke nyuinya vye uiute. 18 Ngamdikira ikinyi ko koko kokwa ngimonyi - Paulo mui kumbuke minyororo yakwa, mbora ike nainywe.