Mbwana 1

1 Paulo, mdumi OYesu Kristo ko okundo lo Ruvwa, na Thimoteo mndodu, ko weidikia na mndwawo wachiadija makidi, 2 ya Kristo wakeri Kolosai, mbora iwe kwanu, na uolomifuma ko Ruvwa Papa yetu. 3 Jatereshe ko Ruvwa, Papa o mndumi odu Yesu Kristo, na jinawaterewia. 4 Jile ichwa uidikije wanu ko Yesu Kristo okundo mnode ko waja wose mlesamburwa ko- kiteru kya Ruvwa. 5 Mnode okundo ko kitevi kya nidikije nderijwa Ruvwen ko kitevi kyanu mleichwa ade. 6 Widikije icho na uloi ko rina ja loi, injili, yacha kwam. Injili ii ya shaa ndunda na ipeing'ania orikenyi kose iwekeri yenta kudi numbenyi kwanu kuwokia andu mleichwa na ikuloshia mbora ya Ruvwa makidi ya loi. 7 Iki nyiyo Injili mlekuloshia ifuma ko Epafra, mkunde odu mmnoli odu, nyicho mrundi mcha o Kristo ko niaba yetu. 8 Epafra nyaleutia umanyike kodu okundo lodu ko ngoo. 9 Kitevi kya olukundo lu, iwokia mkona jileichwa kudijimeda mvaterewia. Jiwekeri terewa ade na ichuriswa urango na okundo lwake na uwaria wose na imanya ja ngoo. 10 Jiwekeri naterewa mdambuke ko irimija ja mudumi makidi ya njia sikundikye. Jiwekeri naterewa ke mpe sha ndunda makidi ko kirundo kicha na ade mpewa mnaleha ko urango o Ruvwa. 11 Jinaterewa mdime wikwa pinya ko oru ihiana na pinya sa uele wake irimiji na irimija jake wose. 12 Jinaterewa ke, ko sia mpetereshe ko Papa, alewawutia inywe iwa andu mpela laja waidikye kilangaronyi. 13 Alejikira ifuma nitori o moma na ijisamiria umangi o mwana wake mkunde. 14 makidi ya Mwanake jiwode ukira, kiterewo kya sambi. 15 Mwana mji mfano o Ruvwa alachiwonwa. Mji mfewo o kuwoka ko urundi ose. 16 Ko - ikyo ko - icho shilerundi- ya nacho na ko kitevi kyake na shikeri ruweu na shikeri orikenyi, na shija shichionekana na shilawonwa. na ishi sha uitori au iitoria ja waode pinya na shindo shose shilerundwa nacho na kotewi kyake. 17 Na nyewekeri kuwoka ya shindo shose, na makidi ya yacho shindo shose shiwewadanie andwamu. 18 Nacho nyicho mudo cha osese yaani kanisa, icho nyicho kuwoka na mfeo O kuwoka ifuma iwo-wawo ko warimu, kudo, na mwanya o kuwoka iwo wawo ko shindo shose. 19 Ko - ikyo Ruvwa nyalekunda ko ucha wake wose udamije numbenyi yake. 20 Iadanisha shindo shindo shose kwake ko njia ya mwanake. Rvwa nyalenta amani iidia ndakame ya msalaba wake. Ruvwa nyalepatanisha ko shindo shose kwake amwinyi, kiwe shindo sha orikenyi ana shindo sha ruwewu. 21 Nainywe, ko kigheri kimu wekeri waghenu ko Ruvwa na mwekeri moktuwa oake ko urango na shirundi sha unyamari. 22 Kake amewalunga inywe na osese lwake iidia kipu nyalenta kudi iwaende inywe waele, na walaode mwanchimbele yake. 23 Ade mkaendelea makidi nidikije, mlesingisinwa na nva necha, kulaode ifunwa kwacha na nidikijenyi na ikarija ja injili mleichwa. iki nyiyo injili idedwa ko kila mudu alerundwa wanda ya ruwewu. Iki nyiyo injili ko inyi, Paulo ngiwekeri mrundi. 24 Lwaha ngaworokwa iswaiswa jakwa ko kitevi kyanu. Nainyi ngamarija ko osese lokwa kya fafaha nyi iswaiswa ja Kristo ko kitevi kya osese lwake amu nyi kanisa. 25 Inyi nyi mrundi o kanisa ji, kudo - kudo chandu ngilene ngwa ifuma ko Ruvwa ko kitevi kyanu, ichurisa kidedo kya Rvwa. 26 Iki nyi loi na kirika kiwekeri kirikywa ko shiongo shifoji na koi ifeo. kake lwaha ipunujwa ko wose waidikijo ko icho. 27 Nyi ko waja Rvwa nyalekunda ipunua kukeri na Omaso mwele O kirika kya loi invo - wawo wa mataifa. Nyi ke Kristo numbenyi kwanu akeri, ikarija ja imwele upecha. 28 Ichu nyicho jikenededia. Jamtanawa kila mucho, na mloshia kila mundundu ko mwaria yose, kimbi jimwende kila mndu ainyarie ko Kristo. 29 Ko - ikyo iki inyi ngakepurukana na ikunyagha ihana na pinya yake ichiuta uya numbenyi kokwa na oru.