Mbwana 1

1 Ifuma ko Msuri idambuka ko mundumka msalari na vana vake. Vaja avakundwe loi na nyinyi tuu po. Navaja vose vaichi loi. 2 Kokitevi kya loi ikeri ngonyi yedu myenye pedamia na ise Ndarasi. 3 Mbora, Rehema, Amani sipedamia nainyi ifuma Makilunga Baba na ifuma ko Yesu Kristo mwana OPapa, akeri loinyi na okundo. 4 Ngaodesia loi am ngamemanya kee ngode vana vakedambuka na loi chakundu jileiadija kidedoki ifuma ko Papa. 5 Lwaha ngenakuteva igwe, mndumuka, chii kee ngakureghwa kidedo kihiyapo, ila na kija jekeri nakyo ifuma kala, kura kee jikeshighwa jikundane Ise ko ise. Naikyo nyikyo okundo ukanashighwa idambukya ivavaso jake. 6 Ikyo nyikyo ivavasojija chakundu mleichwa. ifuma kala, kee mkeshighwa mdambuke nayo. 7 Am valembi vafoje vameing'anya Orikenyi, Navo mmanya kee Yesu Kristo nyalecha ko Osesepo Incho nyicho akelemba na imlegha Kristo. 8 Kulambwenyi mvenyi kee mkedesa shindo shija jimeshiutya uyapo, kake mkeshigha mwadije sawadi kamili. 9 Ose apendele na mbele na huduma yakidedo kya Kristo, anghode Makilunga. Icho apedamiya kidedonyi nyamwode Papa na Mwana. 10 Kokira mndu apecha kwanu na apeende kidedoki kwanupo mlamkaribishe numbenyi sanu na mlamdikire. 11 Aam uja amdikira nyakeri nacho shitendo shjija shinyamario. 12 Ngaode shindo shifoje shekuregha, Ngalekunda kuregha, ko karatasi na winopo. Kake ngauri ngiche kwanu ngidede na inywe kyamko kyam, kee sia yayedu iva njicha. 13 Vana va msachanu mteule vakemdikirenyi.