1 Vakundwa vakwa, jode kiaga iki, jikusanje vavenyi kokila kindo kinajivikya eva valanyi katika osese yedu na ngoo. Na jiushighe uele ko woghu o Makilunga. 2 Utenyi mwanya kokitevi kyedu! Jinemnyamarya mndu wowosepo. Jilemvinisa mndu wowosepo. Jileningya na ko faida ya mndu wowosepo. 3 Nganededa iki nyikola umupa. Kwako ngame deda kee ngakeri ngonyi mwanu, kodu ise ipa onduamu na idamya onduamu. 4 Ngaode ekarija a jifoje ngonyi yanu, nanaringa kokitevi kwanu. Ngaichurya na sia. Nganeichurya sia ata makidi ya ukiva odu wose. 5 Jilecha Makedonia, osese sedu ivodo napo. Kitevi kyake, jileona ukiva kolikakindo kyokyose kokava mesa kiveve kyanja uoghu kiveve kya numbenyi. 6 Kake Makilunga, nyanavatetrya vaja valeya numa, jalevame mbelesa ko echa Tito. 7 Ileva nyi chajake yupo ila Makilunga nyalejifariji. Nyekeri nyifaraja sija Tito alesiadija ifuma kwanu. Icho nyalejivia ukundo mdue mwawede, usuni sanu, chakundu mokeri woghu kokitevi kyakwa. Kudo ngafua ava na sia mnu. 8 Ata kudo waraka okwa nyule vautya varijiwa, inyi ngape ujutiapo. Kake nganejuta kigheri naleo waraka icho nyulevautwa inywe evanauzuni. Kake mveode na uzuni ko kigheri kifui. 9 Lwaha ngaode sia, nyikokitivipo mveode ukive kake kokitevi kya huzuni sanu ilevaende itubu. Mleadwa na huzuni ya kiungu, kudo mleviniswa kokitevi kye dupo. 10 Koiko ukiva o kiungu jipende itu ipesisa wokovu namayeva na ijuta. Ukiva orika, ata kudo upenda mauti. 11 Lambenyi ukiva o kiungu nyulende anjiki nduwe ngoni yanu. Nyikuda azima yekeri nduwe, woghu ukalera kee mveodo hatiapo. Nyikokitevi kiki ivavya janu jikeri jidue, woghu wanu etamani janu juhudi sanu na hamu sana eona ke uloi jiingarye iutike kila kindo maneona vavenyi kuwa kode ikosapo. 12 Kake ngalevareghya inye, ngalevareghya kokitevi vakosajipo, nama ko mndupo aleviniswa amavichwapo ngareghya kimati udhati o ngoo sanu. Kokitevi kwechi iutye imanyika kwanu ushangunyi o Makilunga. 13 Nyi kokitevi iki jinaorokya katika eongerijwa sia yedu jivenyi, jinaorokya kavi, ata ifoja kokitevi kya sia ya Tito, koikyo ngoo yake nyeleorokyo nainywe vose. 14 Ko kyo ngalejiona kwake emanyana na inywe ngaveode sonupo. Kinuma kyake, koje kila kidedo jilekideda kwanu jikeri loi, kujiona kodu kunavaunyarye inywe ko Tito valeonekana kuwa nyi loi. 15 Ukundo wake nyikokitevi kyanu ata koje nyi mdue mnu, koje apekumbuka nganyi yeu vose, chakundu mlemkaribisha icho ko woghu na ededema. 16 Nganaorokya kokitevi ngakorije loi ngoo yanu.