1 Ulamdedye mndumi msuri. Ila mnenge ngoo cha papa wapo. Uvanenge vasoro va ghomi cha vanduanu. 2 Uvanenge ngoo vaka vasuri cha vamao vapo na vaka vepu cha vadada vapo koucha wose. 3 Vaadanye vajane, vaja vakeri vajane loi loi. 4 Kaka ke mjane nyaode vana ana vachuku, vede mbele vakuloshe ilora heshema ko vandu vakanyi kwavo vavenyi. Vade vavalihe vafee vavo macha, mekoja iki kineoroka mbele sa Makilunga. 5 Kake mjane oloi loi nyuja aleigwa icho amonyi. Nache nyechedevwa tegemeonyi ko Makilunga. Mfuvi sose nyachedamya katika kiterevo na itereshe na kio na msanyinyi. 6 Hata kudo, mdumka uja achedamya sambinyi nya chepa, kunu nyarulaje. 7 Na nyechededye shindo ishi ke valave na lawama. 8 Kake cha mundu alemavalambwe vandu vake, vaja vakeri kanyi kwake, nyaleilegha imani nyunga mmbichwa kukela mndu alacheamini. 9 Ko ikyo vaka vareghwa kitabunyi kya vajane akeri na umri usiopungua miaka sitini, na mundu mka o mndumi umu. 10 Mpaka uve uichikye ko shitendo shicha, ke nyaletaramva mwana ana amera mkarimko vaghenu, ana amesanja madende ya waaminio, ana imevatarama vasa vakeneteswa, ana nyalekufuna ko kosi yoyose irokye. 11 Kake kovaja vajane vasoro, legha ivareghya orodha ya wajane. Ke vakaingya ko itamani jausese kula Kristo vauriuduwajwa. 12 Ko njia ii nyacheingya hatia kikitevi kyefunja ikufuna kwavo kuvoka. 13 Naade ichivya iingye ukonyi ivo vachetengeta numbako numba. Ke nyivadokopo, ila nyacheva mrenge na iingija shindo sha vengi. Ivo veche amba shindo shila vainyavye ideda. 14 Ko ikyo nyi ngauri vaka vajane vaduajwa, vafee vana, vainukye numba savo, ili valamnenge adui mwanya ojidedye ko iuta sambi. 15 Kakitevi vaitale vavo valememghalukya Shetani. 16 Cha mndumka yeyose aminie nyaode vajene, koikyo mvatarame, ili ikanisa jilalemejwa, ili vadime ivatarama vaja vakeri vajane lai lai. 17 Lwaha vasuri vaja vaitori vecha vaitalwa vainyarye nganyi mara kafoje, na vaja vakenaangarana na elosha kidedo kya Makilunga. 18 Kokire maandika vane amba, "Ulampenge ng'umbe momu akenaja mara," na "Mrunda wia nyainyarye mshara wake." 19 Ula adije ngavirana ya msuri andu kulaode mashahidi vavi ana vavadu. 20 Vadeye vanyamari andu kode vandu ili vengi vabaki kama vapeogwa. 21 Naitanava kya mbele ya Makilunga, na mbele ya Yesu Kristo, na malaika msamburura, ke usidere maitanavo bila ivaghwa wowoe, na kouta kindoko ipendelea. 22 Ulamvikye mundu yoyose moko movinyi ulaute sambi yamundiungi. Nyuinyarye ukutobire kumonyi uve uilye. 23 Unetakwa unywe mringa kumonyipo. Kaikyo unye mvinyo kininikokinesa kya ndeu na nduari ya ya kilasa lasa. 24 Sambi sa vandu vaitale sichemanyika ko uwazi, na ivasongoja hukumunyi. Kake nusu ya sambi sichevadya ade. 25 Kudo kudo nusu ya wia mcha uchemanyika ka ulai, kake singi sipekurikapo.