1 Kidedo ikii kyeaminika: Chakoja mndu auri iva Mdue, nyauri uyamcha. 2 Kokyo mdue nyi lazima alave ne nung'unika. Lazima nave na mii umu na mka umu. Nyi lazima nave na kiasi,, busara, taratibu seko. Lazima nave na uwezo o losha. 3 Alave anatumia mvinyo, alave nyounangwa nve aoloje, aode amani. Nyilazima alave akunde hela. 4 Inajinyari imkanya ndughucha vandu va kanyi kwake amonyi na vana vake nyajinyari itii neheshimu vose. 5 Ko kire mndu alaichi imkanya vandu kanyi kwake amonyi kuda apelilela kanisa ja Makilunga? 6 Alave mumini mhya ili ke alache kuteshwa na igwa katika hukumu cha uja mokituva. 7 Lazima kavi nave siha njichya kwa vose vekeri nnja ili alachegwa sononyi ko mtegho omokituva. 8 Mashemasi, kudokudo wanapaswa ko veinyari heshima walave vaode shidedo shivi. Walatumile mvinyo iidya kiasi nev ne ifuda. 9 Vadime iiringa ko kusudi jiilye ja imani ishukuje. 10 Vave kavi wamethibitishwa kuvoka halafu vadime ihudumiya valaode lawama. 11 Vaka kudo kudo vave na heshima. Valave vana ngilikya vave na kiasi vaamini ko mambo vose. 12 Mashemasi nyilazima vave na ghomi vadime ivaimkaniya vecha. Lazima vadime ivaimkaniya vecha vana vavo va kanyi kwavo. 13 Ko kyo vaja vauta ndughucha msimamo mcha na ujasiri mdue katika imani ya Kiristo Yesu. 14 Nganareghya mambo va kwapo ndadima ngiche kwapo kufwi. 15 Kake ikava ngapekelijwa ngana reg'nya ili upate imanya namna katika numba ya Makulunga, ambalo nyikanisa ja Makilunga ekeri arukye ngoo na msada oloi. 16 Ipeleghwa po ke uloi ya Uungu ushukujwa nyi mdue: "Eleonekana katika osese, kathibhitishwa ko Ngoo, kaonekana malaika katangasa mionyi mwa orika kaamini ruveu kairwa uye katika utukufu."