Sura ya 1

1 Paulo, mgitu wa Kristo Yesu, na wavo we Timotheo kwa Filemoni, mbwie weru na mhiri ndima hamwi na ifwe, 2 na kwa Afia lumbwia na kwa Arkipas mthikari hamwi na ifwe, na kwa kanitha lia lichithangana kenyi kwapfwo. 3 Mbora iikalie kwenyu na mborere ifuma kwa Ruva Papa weru na kwa Mdumi Yesu Kristo. 4 Mifiri yoshe nikilomba Ruva. Nichikulanga hena maombo ghakwa. 5 Nudeichwa ifura na miirikilie yapfwo hena Mdumi Yesu na kwa vwambwie voshe. 6 Nikinalomba ku vumwi vwa miirikilie yenyu ghire kilanga hena imanya yevu hena Mdumi Yesu. 7 Kwaku ridekuichwa inuliwa na ihoreshwa vundu vwa ifura yapfo kwa ku yoo tha waumini tindeva ntahuhemisha. 8 Hena kwiyo handu hamwi na ku nighire nguju toshe hena Kristo ikuruma iwe uhire kia kwairima ikihira, 9 mira kwaku nikufurie nnakulomba inyi Paulo mdu mghothi na kangi luvana inyi ni mfungwa vundu vwa Kristo Yesu. 10 Nuakutereva vundu vwa mwana wakwa Onesimo ni mghirie nike hena fipfungo vyakwa. 11 Kwaku iho ivoka thile wamaana kwapfo we, mira luvaha ni mcha kwapfo na kwakwa. 12 Nimrumie - we ngewe akengoonyi kwakwa mnu avwie kwapfo. 13 Nivefurie aendelee ikaa na inyi kimetha anji tashe ndima handu hapfo kighemi nike kipfungonyi vandu vwa injili. 14 Mira thishighienyi ihira kindo kyokyoshe bila iirikiwa niiwe. Nihire kwiyo kimetha kila kindo kicha kinahirika kwakunikulathimishire, mira kwaku kulefurie kweka ikihira. 15 Hangi kwaku aletanithirwe na iwe kwa ikenda, kivie kwio kimetha uikae humwi nawe telele. 16 Kimetha aravahe mtumwa, mira kema he akele mtumwa tha mbwie weru, mnu kwakwa, na ikela mnu kwa pfo, hena mwiri na hena mndumi. 17 Kole nkwanjiilagha mshirika umghuhie thafundu kuvenji ghuhia inyi. 18 Mira kole ahirire kyokyoshe kivichwa, hang'u nkwamlavia kindo kyo ifuma kwakwa. Inyi Paulo, nuaandika kwa kuvoko kwakwa njeka: 19 Inyi nakuliha. Mthaghamba kwapfu ku nnakulavia maisha hapfo. 20 Iyee weru, leka nipate inuliwa ya mndumi Yesu ifuma kwapfo: ngoo yakwa inuliwe hena Kristo. 21 Nikaghira miirikilie ifwenene na utii wapfwo mnakuandikia nikimanya kwa hira hata na ikela ya fia rinakulomba. 22 Igheri iyoiyo chemba kyumba kya vaghenyi kwa ajili yakwa, kwaku nuna ririkana kwa iria maombo ghapfwo ku nacha ipfwo kwako mifiri ya haghwihi. 23 Epafra, mthoro mbwiaa hena Kristo Yesu akyakuiri kira, 24 Fundu Marko achighira, Aristarko, Dema, Luka, vahirindima hamwi na inyi. 25 Mbora ya Mdumi Yesu Kristo iikae na imwe hamwi na ngoo yapfwo. Amina.