Sura ya 1

1 Mthoro wa Yesu Kristo ailaghwa Yuda, hamwi na wavo we Yakobo, vaya waileghwe, na wafuriwe kwa irina ya Ruva Papa na watuntirwe vundu vwa Yesu Kristo: 2 ruva amunike vumboa, mborere, na ifurana. 3 Wambwie, igheriyo nikikudisha kwa nguju imuandikia imwe fundu fwa ikirwa yeru voshe, kinjitarire imuandikia kimetha nimurunge muirime ikavania kwa iria mma miirikilie ngeyo valeregheriwe kamwi du vaya vaitikijire. 4 Kwaku haghire vandu mata vakuingirire kwa ikokovea vaka kuthanganya maghari yenu, vandu vavikiriwe luvengo kimetha vaghenyaririwa - vandu varaelesherwe ngevo vagheghaluta keni ya Ruva weru ive vurango, na imlegha Yesu Kristo. 5 Luvaha nikinamukumbuta imwe, handu hamwi na ku haghire ighevi muleichi kyakeni ku mdumi Yesu alevakirire vandu ifuma ithanga lia ya Misri, mira kunu nyuma akavavwagha vaya varandeiti kija. 6 Malaika valekie iria kifu mwa kyaro voka na ileka kenyi kavo Ruva avavikie hena kipfungo kya telele ipfo mmenyi vavere inya nyiriwa ya mfiritho wa milaho. 7 Thafundu Sodoma na Gomora na miri iijungulikie, ngeyo ikuingirire yoka hena ishinda na ifura fya mwivi vakarorwa tha fundu vaya ngevo vake hena inyanyiriwa telele vachikivona. 8 Nimikwio ku, kwavaghelora nduro navo wachikonda miri yavo na ilegha kifumwa, kwa irera mongo vundu vya kimangi. 9 Mira hata malaika mrwe we Mikaeli, kigheri kia akiluva na shetani na ikana nia nawe vundu vwa mwiri wa Musa, airimiewe imnyanyaria kwa mongo, mira akambia, "Mndumi akubohije!" 10 Mira vanduva vachirera mongo kwa kyokyoshe varakiichi na kia varakiichi, kia ngekyo vanyama kwa kivonwa - iki nikyo kivakondie. 11 Vwathi vwavo kwa ku wandeivaria kitende kya Kaini, na ighwa hena thambi ya Balaamu. Wandeghia hena ikela mma wa Kora. 12 Iva ni thanja hena ngathu tenyu tha ifurana mkifiana haraghire iraghwa, imwe voka kwa voka. Ni mailwi gharaghire mwera righatikwa ni mkuta ni miri irachighutha maringo iraghire ndunda, iphwie kando kavi, idukiwe mivi. 13 Ni mrurumo wa eve ughire kilonzo kyefunya iraghwa yakwe yoka, ni nondo tifa tolatola angu kilanga kyatho kimirirwe ni mma telele. 14 Enoko, wa mfungate hena mataro gha Adamu, alelorie akarera lolea mdumi akyacha na vaelie fiku na fiku vakwe, 15 kimetha anyanyirie kila mdu na kila avachi muovoha Ruva afweteriwe fundu fwa mihiro yaro mivichwa vahirire hena njia tavo mbichwa, na kwa vukai vwa firero fyavo vamreri Ruva uvichwa. 16 Iva nivaya vaghedughushika yavo vachikubaha mnu kwa kufura yavo woka, wachilemba vengi. 17 Mira imwe vambwie kumbu kenyi firero filereriwe tokala ni vwagherumwa va mdumi Yesu Kristo. 18 Valemuvirie ku igheri ya mwisho hachecha vandu vaghire kidaha vachii varia mihemko yavo ya kiithanga." 19 Vanduva nivaghetanitha vaikaliriwe ni mihemko ya kala na vaghirevo mbeho. 20 Miva imwe vambie fundu mumki hena miikalie yenyu micha mnu, na fundu muchilomba hena mbeho mcha, 21 lehienyi hena ifurwa ya Ruva na muvere mbonea ya mndumi weru Yesu Kristo ngeyo ichivanika kyekilia telele. 22 Rorenyi mbonea kwa vaya varaghire uhakika. 23 Kirenyi vengi na ivafunya moronyi. Kwa vengi rorenyi mbonea kwa iovoha mudahe thori ivikiriwe ibashi ni mwiri. 24 Luvaha kwakwe airima imuria munaghwa, iirima imumtha mothia ya vucha vwakwe, haraghire vuvichwa na ikufuramnu, 25 hena Ruva weka iiria kwa mkira Yesu Kristo mdumi weru, ngazo ive kwakwe, vurwe, nthinya na nguju, kabla ya luva toshe na ipfo telele na telele. Amen.