Sura ya 1

1 Ifuma kwa mghothi ighenda kwa malachi athaghuriwe na vana vakwe, ambavo nivafurie hena kweri na si inyi njeka nyimira na voshe vaya vaichi kweri, 2 kwa thababu ya kweri ike voshi yeru nayo yaikaa ifwe telele. 3 Mbora, mbathi, mborere fyara na ifwe ifuma kwa Ruva Papa na ifuma kwa Yesu Kristo, Mwana wa Papa, nindefurahiwa mnu ku nindemanya ku baadhi ya vana vakyaghenda hena kweri, thafundu fupokerie iamoro ifuma kwa Papa . 4 Naluvaha nakutereva iwe malachi siku nakuandikia iamoro ishanyi mira tuleke nayo tangu ivoka, ku fufwashighwa ifurana ifwe kwa ifwe. 5 Na ii niyo ifurana, fufwashighwa ighenda nayo ifananisha na iamoro yakwe. 6 Ili niyo iamoro, thalundu mlechue tangu ivoka, ku mwashighwa voshi yakwe. 7 Kwa thababu vaghelemba vengi vake handu hoshe isangenyi, na vairikiavo ku Yesu Kristo alechie hena mwiri. Lu niwe mghelemba na mghelegha Kristo. 8 Kulambuenyi mweka ku mwarethamwe findo fuhiririe ndima, kimacha muirime ipokea thawabu kamili. 9 Wowoshe aghendie mothia hwa Ruva wa hadumu katika fundisho la Kristo, aghirewe Ruva. Itho aikee hena fundisho aghire Papa na Mwana pia. 10 Kole mndu akacha kwenyu na aendiewe fundisho iyo, munamkaribisha hena nyumba thenyu na munamuirikira. 11 Kwani amuirikiraye hushiriki matendo ghakwe mavichwa. 12 Nighire findo fingi fyekuandikia na thifurienyi ifiandika kwa karatasi na wino. Mira nitegemerie icha kwenyu na irera kyamu kwa kyamu kua furaha yeru ifanywe iva kamili. 13 Vana va lumbwi gwenye asaghuriwe vamuirikira.