1 fufwamushigha imwe mumanye, mndu na lumbwiye, ihuthumbora ya Ruva ifunyirwe hena nyumba the ta thiantha Makedonia. 2 Igheri ya mighesho mirwe ya matetho, vwingi vye ichwa nicha kwavo na iongereha kwa uimathikini vwavo vughirie vuthuri vurwe vya ukarimu. 3 Kwa maana ninashudia ku valefunyire hwa kipimo kiya vairimie na ikelesha fundu vairimie. 4 Na kwa iirikia yavo kwa ifute reva kwavo fwaa, valefulombie kwa thababu ye shirikiana ya vandu vaaminiye. 5 Iki kilefumiriekyo thafundu fulekya lambulia. Kivungi kuvoka valekufunyire vovoka kwa Mndumi Yesu. Kangi vakakufunya vovoka kweru kwa vumbie vya Ruva. 6 Kwiyo fulemlombie Tito, ateke tayari adungishe kathi ii, ighende hena ukamilifu tendo ili ya ukarimu kaghu yeru. 7 Mira imwe mughire fingi vya kila kindo hena miirikilie, hena mirerie, hena maarifa, hena bidii, na hena ifura yenyu kwa ajili yeru. Kwa kwiyo hakikishenyi ku muaghira uvwingivwa tendo ya ukarimu. 8 Naghamba ili thitha iamoro yo. kivungi naghamba hili ili ipima uhalithi wa furaha yeru kwa iananisha na macha gha vandu vengi. 9 Kwa lia muichi neema ya Ruva weru Yesu Kristo. Hata kole avevie mthuri kwa vundu vweru ni le mkiva. Kimetha iku iiria vuhiva vwake muirime iva vathuri. 10 Hena kirere ikyo ninanunika ushauri umuui wirie muanthiemwe du ihira kindo. Mira nighechue macha ilihira. 11 Luvaha kamilishenyi tha mndu aleghire macha nia yehira, kana, mgheirimahe iliende ukamilifu kwa fundu mwairima. 12 Kwa lia mughire macha ghehira kindokyo ni kindo kicha ne kyairikirwa. Lathima kimhe kaghu ya kiya akiwe mndu. Thikaghu ya mndu arakiurewe mndu. 13 Kwa liya kathi ii thi kwa ajili ya vengi vairime ipata nafuu na imwe muirime ilemewa. Kivungi kwahwe haghire uthawa. 14 Uvwingi vwenyu kwa igheri ya luvaha vwamughenja kwa kiya ngekyo vakishigha. iki ni kwiyo kimacha iku uwingi vwavo vuirime ighenja mahitaji ghenyu na ikuhaghire uthawa. 15 Iki ni tha fundu kiandikiwe: "Kuya uya aure fingi agheure kyokyoshe we. kighere ghuwe na uya aure kidu agheyashigha kyokyoshe we." 16 Mira fumbie Ruva nahavache avikie voshi ya ngoo ya Tito na ngoo ya iya iya ya bidii ye thera ngeyo niiure vundu vywenyu. 17 Kwa liya theredu apokerie maombi gheru, mira aleghire bidii ihuthiana na maombi gho. Aghechie kwenyu kwa hiari yakwe waka. 18 Fumrumie hamwi nawe wenyu ngewe atumbishirwe miongoni hena makanitha kwa vundu vya kathi yakwe hena itangatha injili. 19 Thi kwiyo duyo, kangi avethaghiriwe ni makanitha ithafiri na ifwe handu hena itika thehemu mbalimbali. Kitendo kya ukarimu. Iii ni kwa vurwe vya Mndumi weka na kwa macha gheru gheghenja. 20 Fwaira ughongo iirima ku wowoshe nnapathwa ilalamika ihuthiana na ifwe ihuthiana na ukarimu wingetho fwauvava. 21 Fwaondoa kwa ilolea ihira nngekyo kya heshima, thi du mothia tha Ruva mira na mothia ya vandu. 22 Kangi fwamruma wenyu ungi hamwi navo. Fumpimie kando kengi na fukambona aghire mache kwa ajili ya kathi nyingi. Hata luvaha ana bidii thaidi kwa thababu ya vuraovoha vurwe vwake voshi yakwe. 23 Kwa habari ya Tito, we ni mshirika uroo wakwa na mghehira ndima uroo vundu vwenyu. Thakwa veru, vaarumwa ni makanitha ni va heshima kwa Kristo. 24 Kwiyo, varorenyi ifura yenyu, murore makanitha thababu ye ikubaha yeru kwa vundu vwenyu.