Sura ya 1

1 Paulo, aileghwe ni Kristo Yesu iva mgherumwa kwa ifura ya Ruva, na Sosthene mndu weru, 2 kwa ikanitha lya Ruva like Korintho, kwa vaya mvaingirwa ndimenyi hena Yesu Kristo vaileghwe igheva vandu vaelesherwe. Mfwavaandikia vaya voshe vachilielagha irina lya Mndumi weru Yesu Kristo hena handu hoshe Mndumi weru na wavo. 3 Mbora na mborere fiikae kwenyu ifuma kwa Ruvava Papa weru na Mndum weru Yesu Kristo. 4 Mifiri yoshe ninamshukuru Ruva wakwa vundu vwenyu, kwa vundu vwa mbora ya Ruva ningeyo Yesu Kristo alevanikie. 5 Amuvikie iva vathuri kwa kila njia, hena irera, na maririkano ghoshe. 6 Amunikie vuthuri, tha ushuhuda ihuthu Kristo ku akubaliriwe keni maghari yenyu. 7 Heikyo mukaduikiwe mwe nzinya tha mbeho mcha thafundu mughire macha ghevera ivutwa lya Mndumi weru Yesu Kristo. 8 Amunika nzinya mpaka mwisho kimacha munagheshaghwa mfiri wa Mndumi weru Yesu Kristo. 9 Ruva ni mwaaminifu niwe amwiile ghe imwe hena vumwe vwakwe vwa mwana Yesu Kristo Mndumi weru. 10 Luvaha nnamutereva mndu na lumbwie vakwa, iiria rina lya Mndumi weru Yesu Kristo, kuvoshe mwiirikie naku hanaghira ighavike maghari yenyu. Nnamulomba mvwarane handu hamwi hena nia imwi na ikusudi limwi. 11 Ang'u vandu va nyumba ya Kloe vanjiririe ku haghire ighavika nlya endelea maghari yenyu. 12 Nighere manai: Kila umwi achirera, "Inyi ni wa Paulo," han'gu "Ni wa Apolo", hang'u "Niwa Kefa" han'gu inyi niwa Kristo." 13 Hii! Kristo aghavikie! Hii Paulo alekwererwe mrinyi vundu vwenyu? Hii! mulepatisirwe kwa irina lya Paulo? 14 Nnamshukuru Ruva ku thimpalisire wowoshenyi, isipokuwa Krispo na Gayo. 15 Nileku haveghire wowoshe averera mule patisirwe kwa irina lyakwa. 16 (Na nile vapatisire vandu va nyumba ya Stephania. Kinyume kyakwe thiichi nyi ku nile mpatisire mndu ungi wowoshe). 17 Kwaku Kristo aranjirumie ighe patiswa mira ighebirikira injili anjirunie we ighebirikira kwa kirero kyakeni kya kivandu, netha ku nguju ya mthalaba wa Kristo inavuthwa. 18 Kwaku kirero kya mthalabu ni vufire kwavaya vaghefwa. Vaghefwa. Mira kwavaya ruva akyavakira, ni nzinya ya Ruva. 19 Kwaku kiandikiwe, naikonda imanya lya vaya vakagharie. Navakonda vaya voshe vakagharie. 20 Akekwi mndu aghire maririkano? Akekwi aghire kariango? akekwi mgherera na mghelemba wa ithanga li? hii Ruva aghaluthirewe ikaghaalya ithangali iva vufire? 21 Idunga ithanga liikae hena ikaghaa lyakwe linammanyalyo Ruva, impendethere Ruva hena vufirie vwavo vwebirikira kimacha ivakira vaya vamfurire. 22 Hena Vayahudi vovakyavetha mburi thafirumo, hena vayuni vovashigha imanya. 23 Mira mfwambirikira Kristo avikiwe mrinyi avie kinyume kya Vayahudi. 24 Mira hena vaya valeileghwe ni Ruva, Vayahudi na Vayunani, mfwa mbirikira Kristo tha nguju na imanya lya Ruva. 25 Kwaku vufire vwa Ruva vughire imanya ikela vandu, na (vunyonge) kana vushokeri vughire nguju ya vandu. 26 Lolienyi iilaghwa lyenyu ni Ruva, mndu na lumbwia vakwa. Thivengi venyu muveghire imanya hena ica lyenyu lya kivandu. Imwe vengi muleghire nguju mwe. Imwe vengi muleghirwe mwe hena vurwe. 27 Mera Ruva alethaghurie mafiregha ithanga iliifirawisha fiafikagharie na fighire guju. 28 Ruva alethaghurie kia kya hali ya mbai na kidahiwe hena ithanga. Alethaghurie hata findo fia fira tarirwe iva kindo, kwaivifanya five findo fighire nguju. 29 Alehirire kwii kimacha hanaghira wowoshe akubaha mothia yakwe. 30 Kwa thababu yakia Ruva akihirire luvaha muke voshi ya Kristo Yesu, naakahira kwaikaghaa vundu vweru ifuma kwa Ruva. Nilewe keni yeru, vurwe na ikirwa. 31 Kole matokeo hena iandiko lyirerie, "Akyakutumbisha akutumbishe kwa Mndumi."