¹ Ari ar Obadia Aako Mungu idori ngin leaha ar gawaa Edomu gidaba idig o amor Aako dahh, na ya/acusumo kwaya/aw dir muku tla hhay hatla inao watlawe! Atlawan asuma inos nar slaqwara. ² Qartsit tunduninawes wadir muku hatla tunduwasqa walo. ³ Dara/angw munowok anaxu kung kung kwada hot wa baraa' tale/er bau tla/u urn wabara doowok ogawa kwada ngioin wa baraa' munowok Amaa oani aweris yamu? ⁴ Tam alasihhimit gawaa' ador gwaresi na sleme tsuruwok tamkuqas tla/aw tsetse/i un aweris yamu wa imir amosi inao yahwer. ⁵ Baador fisuse ninaxer dirok badrod mukku qwatli tundaharaxay amsiwo (idor turharats ati amor sawii) Gerako ngaaleslaikang moroo yarid fisoo? Gerako muku Sabibu burumburim butaharaxay. buungw ngumeya ake? ⁶ Idoda Esau kwar dif na qasiros tada ta lu/u kanasqas afeni! ⁷ Mu slemeero kwada tiale/imis ider uhuwiya aydir uruwa ay qama. Muku wayido kom nakung dirwak anaxwi na abaline kwada mkatewok /aya tsa xweli ngaqasi wa disi barawole. Tsahha ikahh baraa' qiruose. ⁸ Aluwo! aleaaleslawika balosihe inkay Aako, kiwaqororosi muku kaif wa amor Edomu na una tsahh wa amor tlomar ar Esau? ⁹ Muko kwada lowa Elaqwar xuu tahhimaus da qane tsuqe daqaneko umohe kutsati amor saw wa amor tlomar Esau nar gasa. ¹⁰ Asuma tlakwema tlakw otatlehh wa he dohang Yakobo tutuntuk na eiliqi nakungu tutsat amor saw ar alhheesekomakang. ¹¹ Balodee ang anasihhit balode dahaye da qamimaros kanatlay, naadahaye baraa' tsufe wose na tsawudu ketlehh as Yerusalemu nakung ador he wak baraa' mukuse. ¹² Daqaneko maqwala/ara delor hewoge balo ela hhaamuwose, na sleme maqwala/ara gawaa' muku Yuda balo delor hhititiin mituxifemisara balo delor slahhaamuin. ¹³ Madahara tsufe mukudoe balo delor slahhaamuini maqwalala/ara gawaa slahhaamuina balo delor gwaariniine na sleme maqwarara wa daqariimar in balo hhifimar ine. ¹⁴ Masihhifara elir warangai asuma daqaneko mukos gogo kuwatsat amor sawu na muduxara mukos kwada taslahhees balo delor slahhaamuwo. ¹⁵ Asuma delor Aako na tsewur na ayemo uren slemeero aqoda kartlehh, intlehharut deroge sleme tlehhiimiwo inki/iyaa gawaa sagoo kilokw. ¹⁶ Asuma anawahande wa gawaa tlomare ar kahho an idosi ayemo uren slemeero adotar wahan umodaloro. Tawahar na kegu/un ador gidaaba inkahhiya idaale. ¹⁷ Daqaneko gawaa tlomar sayuni ideya kwada aba/ane na daqane amuku kahho na doo Yakobo moroowos akoin. ¹⁸ Doo Yakobo iasla tlehhit na doo Yusufu fangimo asla na doo Esau daqanako ihhasla kaharen tlehhit iniin sleme tunduda/a na tunduqwares. Otaslehhees ika baraa doo Edawo asuma Aako nginaoo. ¹⁹ Slemeero kwada oamor Negebu atoin tlomar Esau na kwada o shepele ngual iwitiya aya o wafitisti. Na inoin sleme ayko Efraimu na ayiko Samaria ngual iwitiya na Benyamini Gileadi ngial awit. ²⁰ Nalohose slaqwaruse ar Muko Israeli ngial iwitiya hhaper ar kanani ay Sarepta. Lohuser Yerusalemu kwad sefaradir eliria, Gisar Negebu ngial iwitiy. ²¹ Muku /imis idaqayea ayigawa tlomar Sayuni ali ngiaya ayko tlomii Esau, na wawutiima daqaneko ar Aako.