¹ Aako Mungu tada aa tleehharut waa dir aten inslaweek nee murekesayren kwi i qayste. ² Aaliren kaa hariis dir dahaaye, nee mareyren sleeme kin hoot nee dahaaye. ³ Aten a idor panaay mukuu babi'ii koomaaka nee amuuten a idor kwa'eeh. ⁴ Me'ee wahaangw in tlacuumaan nee migir sleeme a tlaxo. ⁵ Inooin aten tin aluu kona tare slaaqamitaan tam hungu/usa aka slawaamika. ⁶ Muku Misri nee muku Ashuru aten ina dabaa i hariisaan as moro/ayma kuwa slawaan. ⁷ Baabi'iiten tlakweema ngina tleehhii, nee hindi inooin i male kahhhiya aten alkwa'ari tlakweemaain kwada naa tleehhii in loohisaan. ⁸ Lawale aten tina sawaawiti'iin nee gawaa' dabaine hee aten tunda ba/amis i kaahh. ⁹ Slafingwren una aluui qaasaan as moro/ayma kuwa slaawaan, asuma muku tsu/uut i baraa sla/a. ¹⁰ Aten ana tsi/imitaan idor bohontoo asla asuma qwari. ¹¹ Tiyeren kina /uurur ohin waa baraa mujir Sayuni nee dasuuren oo faangay sleeme baraa mijir Yuda. ¹² Geeraharuusern ngina hhangeleleene ner dabainaa kila, tam briiseeren nga ilai wawa/ii'iika. ¹³ Masoombar daaqaay kare /uurutimis iwa xooslin ner tla/u, daaqaay ire ta/amiit as migiroo ilo loohisoo. ¹⁴ Bariise axweesenee baraa' haaqaayo ngure meer nee masoomba daa'aangw ngure meer. ¹⁵ Qwala/ alkwa'ari aa faak baraa' munemorene nee bar /ooren kwaa warqees tawa hhimai. ¹⁶ Slamaangw aa huu gawaa' sagerene, tsaxwaaren asuma tlakweema iga tleehhaan. ¹⁷ Gawaa' idoorihe munemoren hindi i tiqiya as kaangwi ilaaren sleene i xumisiaka. ¹⁸ asuma tloomar Sayuni aa kilos met tower in gawada waa /aats. ¹⁹ Nee kuung Aako Mungu waawiti'iimarok i alhheeese koondaka waawiti'iimarok in kumaamit ay qari nee qari. Ihii aten mista ginqaaren ay kureerii kureer? ²⁰ Asuma mila mista geexeer ay deelor yaarii? ²¹ Aako Mungu kuung aten ti amor i ki/is nee aten daqanirko ni ki/aan. Aten ti idodar aang i ki/is. ²² Laqaa kuung aten taa sii waalo nee kuung aten tina i buhh waalo.