¹ Aako una ar a sihhit ysewema nee madhabahu nee inaoo, " Sagar uhemii tahhe mapero idingitiyee. Geqaqawek parhhemo gawaa sager in tlemero aning o alhhesay in ugas ner panga. Ikahh tam o wak o gow dir ine. Tam kaala foli baraa' sheoli dakwee ider o ngitatahh. ² Tam tatsa/an gawaa dorii, amosiye ngi yamu ihuu. ³ Tam ta alenahhati gawaa karmeli in gawasi wa lelehh ngire huu. Tam ta nehhati baraa' tlawi baraa' waloo gidaaba miwa ar yaa watli an ya/aw ngi kikihh. ⁴ Tam ta tlay baraa' lawaliima kin tliq na tlakuser in gerain wa ale panga an idabaw ne kilsu/uu. Ila ee iamor-in xuus nee tlakwema sleme ner hhoemawoka. ⁵ Aako Mungu xoroduu an hee dandoo yamu nguu kwatiti in diya/ati the tlemer barasi hotaa ta wahaririin slemeero itlayaa idor hhala nee in male yamu iqwad idor halar Misri. ⁶ A inos hee mere dor nitlehh, nee ngiimu/un kubarros dandooo yamu. Inos a hee maay tlawi ngi atet nee ngire kuus gawaa' gitse/aa dando yamu, Yahwe an umoowos. ⁷ Xay kungaa aidor mu kushi wokee direner wane waIsraeli? Idori an idor Yahwe ikahi Xay, Israeli nga isa/asika na Misri? Wafilisti wa Krete nee washami wa Kiri? ⁸ Qaytsit ilaa Aako Yahwe igawa wawitiimar iringer kom na ahhitim gawaa' gilsa/aa dando yamuwo alaa aqo gidaaba doo Yakobo ubaloo hhitimaka, idorian idor Yahwe ikahi. ⁹ Qaytsit an gahhat nee doo Israeli una buruqus tla/angw xoroduuslemeero idor hee ngano buruqumis ner ehermo idosi tam parahhamnta tla/ano ar huu yamu ikahh. ¹⁰ Mu'k iringer tlehhit slemeero baraa' mu'k ene ta hhan ner panga kodaa kahaa, Moroo tlakw aten tundu slayka sleme nee aten tidoganaka. ¹¹ Boloo delosiyee xafita Daudi atles todaa a huu, nee alemoowos in tseg. fMore wos kodaa ta gexay in tles nee ngire malee tlehh ador der ang. ¹² Gidaaba Edomu kane al nee xordu slemeero otaatet ner umooee tu idori an idor Yahwe iaxwe si kwi morowi ngu tlehh. ¹³ Qaytsit deloo ni xer idori an idor Yahwe ikahi qomar hee dosl o buum nguwa warahhi, nee kodaa sabibu kala/amu nguwa ba/i kodaa dahesingw dahamis ngu warahh. Tlomii divair tsuu ni tsaqamisiyaa, nee tlomii sleeero tis ngi isororoxosiyaa. ¹⁴ Uki/is wa baraa' lawahima mu'k-ee Israeli merdaa ta gexay ngi tlehhiyaa baraa' mijiro nee ta barasi wa hot bustane sabibu ngudahesiyaa nee divai ngi wahiyaa nee bustani ngi tlehhiyaa ne/amun ngu/ayiyaa. ¹⁵ Adahas ee baraa' ayain nee ngi malee tu/iyaaka baraa' ayain kwisi neslaw, "ikahi Yahwe Mungu in.