¹ Aryar-in kodaadihheesiye wa baraa Sayuni nee kodaa tawakahi aba/anee baraa ayaa tlomer Samaria, mukwa iatled afhhamit o baraoroduu kadaa tawakahi do Israeli mixay asama ale/isay. ² Geraharuser hung ikat, "Warax ay kalne kaartaeraa imir amosiye tlawsee ee Hamatli mujir ur aluwo tlawsee ee ayaa Gathi o Wapalestina. Xay kiafahhamite ta wawitiimar hung tsare? Xay tla/amoo ur idero ta tla/amoo hunge? ³ Ariyar-in kodaa ngiqamimaa delor morotlakw nee ngitle hhitaa wawitiima iwetangekof nee nire tsewar. ⁴ Taqata baraa qateno xaremi nee tahungu/us baraa' kiteri-in. Kina/ay na/aa be/angw wa baraa' burumburi nee damay wa baraa ditoo. ⁵ Daangw daktiima kundaa wa baraa' bar-/oo kirubii kuntlehhit baraa' xoslaa ador ar Daudi. ⁶ Mvinyo kun-wahan wa baraa' bakuli nee tinslikinaa ner di/ay kiloin ale ner di/ita marhamu, alaa ta gurhamutika dandoo slahhaamayer Yusufuwo. ⁷ Idosiyee hindii intlayaa baraa' lawahiina dinkwa nee lawaler-in ar geera nee tseemor kwisiyaa ta tumuusiyee i warahh. ⁸ Ani Aako Yahwe taafus kiloee ale, idori an idor Aako Yahwe ikahi, Mungu xoroduu uimunut xirfoo Yakobo, slumowos islaaka. Gawaa' idosiye udux mujisi dinkwa nee garqo barawos idiria. ⁹ Garharim arnixaw a hhawate mibangw o ametiyeee baraa doo wak bir deyaa in hhanaa. ¹⁰ Qoomar mar-afuno hesi birnaslaqoin lehh kodaa ngida/aa/am aluu tua kingiwa baradaooihu birngaaoo dir hee dirdoo'. Xay hee nee kungu dinkwa idero? Aidola kodaa biraoo' Aa Aluwo ire oi iwit xatl asma umoo Yahwe nguoikaa. ¹¹ Qaytsit, Yahwe dabemo nga dux nee doo ur kutahh ire barhhemo tlehhit ee doo ninaa ire fehhit. ¹² Xay faras itiinang baraa /etanang mar-oo-ro? ¹³ Xay hee idosli wa gaw slunaa? Akahhatitaa ganaamu unawarqes tawa sumu nee/amu ganaamu tawa garqarqar. ¹⁴ Ala qaytsit, xoroo ngigawahungi thes doo Israeli idori an idor ikahi Aako Yahwe, Mungu xoroduu. Tundun slehheemis kungaa imir Lebo Hamathi ee yaerAraba.: