1 Maono gha Obadia. Bhwaana kabhuumba abhasisye iitye halughulu ja Edomu twa hulika habhali kufuma kwa Bhwaana, no mujumbe ghatumwa kati ja mataifa, ekubhala, Bhuuke! Tubhuke dhidi jaaje ku vita! 2 Tasama, ndokubhela bhatoti kati ja mataifa mulo ku salaulibhwa nkana. 3 Mpaka ja wegho ghoobhe syakulembauughwe, uugho unjikale ku makabhuligha miamba, ku nyumba joobhe ja halughul, ghoatensile mumwegho ghoobhe, 'Nighanyi ghoalo ku nsosya uune hansi?' 4 Ningi bho uli ku jughalala halughulu jatai no ningibhe siisa syoobhe sikobhikwa kati ja nyota, ndaku ku sosya hansi kufuma uuko, antensile Yahweh. 5 Kobhe bheesi bhakesile kumwobhe, kubha bhanyang'anyi bhana kwisila bhutukufu (jinsi bho unaputwile hale), tebhana kobholekujibha sya kubha kwila? Kubha bhakonka sabibu bhana kwisile tebhanalekeh mavuno? 6 Jinsi Esau bhoghahwa kuhulwa, no hasi na syaaje syo sika fisilwe syabhikwa hanse! 7 Bhaantunbhoose bha bhu shilikiano bhoobhe bhalo kukusela kunsila mpaka ku mupaka. Bhaantu bho bhakabhele ho amani kumwi hoobhe bhakulemba, hokuku sinda. Bhalya bho bhaki kulya mukate ghoobhe bhabhuka mutegho heso hoobhe. Kutuhu bhaelewa mukati mwaaje. 8 Je! syaka kobholanga nsuku iijo, abhalisye Bwaana, kubhahagha bhaantu bhakanya hekima ku fuma Edomu no kuelewa kufuma musosi ghwa Esau? 9 Mshujaa ghoobhe bhalo kufasaika, Temani, Ilikila muntu apatilibhwe kulee kufuma muusosighwa Esau mukujihaghwa. 10 Kusabhaabhu ja bhukatili bho ghwakelwanga kumughana ghoobhe Yakobo, ulokufundikwa no nsonyi, nooghwe ulokuputili, nooghwe ulokuputilibhwa kule mileje. 11 Nfukujilwa ukabhele no ujughalele, nfuku bhagheni bhakatwasile nsabhosyaaje, no bhobhakabhele bhagheni ku misigho syaaje, no kuhula ku Jelusalemu, uughe ukabhele kobhe ghuumwi gwaabho 12 Lakini usinyomwi nfukuja mughanaghoobhe, nfuku ja sihilo syaaje bhala usinyomwi ha lughulu ja bhaantu bha Yuda nfuku ja bhuhalibhifu ghaabho; Musilifu nfuku ja dhiki jaabho. 13 Usijingili musigho ghwa bhaantu bhaanenfuku ja musibha ghwaabho; Usinyomwi halughulu ja kusamba kwaabho nfuku ja sililp syaabho, bhwala musipoteli bhuntu ns ighwaabho nfukuja bhuhalibhifu ghwaabho. 14 Usighulali kunsila panda (maghana abhili) ili kubha putilila kule bhakimbisi ghwaaje kuntu ku ja dhiki. 15 Kukubha nfuku ja Bhwaana jilihehi no mataifa ghoonse. Kati bho ukajilite, jilo kwilika ku mwoobhe; Matendo ghoobhe ghalo ku helela hatunde ja mutwe ghoobhe 16 ghenyenee. Kutilya bho muka nywele ku musosi ghaane mutakatifu, bho mataifa ghoonse ghalo kunywa daima. Bhalo kunywa no kumila no jila kubha kati kubha tebha kabheleho kabisa. 17 Lakini ku musosi Sayuni kulo kubha no bhalya bho bhaka ghokoka non bhalokubha bhatakatifu; No nyumba ja Yakobo bhalokumiliki miliki syaabho. 18 Nyumba ja Yakobo jilo hubha mulilo, no nyumba ja Yusufu ni sijingasya mulilo, no nyumba ja Esau jilo kubha mabua makange, Naabho bhalo kubha sinka kunyumba ja Esau, kukubha Bhwaana atensile. 19 Bhoose kufuma Negebu bhalo kumiliki musosi ghwa Esau no bhalya bha shepele bhalokumiliki inchi ja jabla filisti. Bheene bhalo kujimiliki inchi ja Efraimu no inchi ja Samaria; No Benyamini alokumiliki Gileadi. 20 Bhakusamila (Bhagheni) bha jeshi iilyelya bhaantu bha Islaeli bhalokumiliki itogho lya kanaani mpaka sarepta. Bhagheni bha Jelusalemu, bhobhalikuse Sefaradi, bhalo kuji miliki miji sya Negebu. 21 Bhakughokola bhalo kuja mpaka kumusosi ghwa Sayuni kutabhwala inchi ja misosi sya Esau, no bhutalume ghulo kubha ghwa Bhwaana.