Sura ya 4

1 Halimanye, bhamghana, twabhaha mwegho nokubhasihi kwa Jeesu Kilisito. Kobhebho mwakapokelenga maelekezo kufuma kumwetu kunamna jihensilwe kuenenda nukumulyohya Kabhumba, kusilajejo pia muenende no kwila kusumba. 2 Bhukobhamumanyile no kulangisibhwa si lwotwakabhahanga kuhitila bhwa Jeesu. 3 Bhukobha ghgha ghosighongo syeke kabhumba bhulakaso bhwenyu - kubha mwikinge no zinaa, 4 Kubha kila ghumwi ghwenyu amanyele namna ja kumiliki mkasi wa kwaje katika syelu ne simaa. 5 Ubhe no mkema ghwatamaa ja mtumba( kati mataifa ghasimumanyile kabhumba). 6 Asibhiho muntu ghoghonse alokaghambu ka mipaka no kumughajya wamughanaghwaje kusabhabhu je ghambo leli. Bhukobha kabhumba ghonyene kuliha kisasi kumaghambo ghose ghagha, kubha bhotwakalombolanga kubhakanya no kwilolela. 7 Bhukubha Tata tegha katwitanga kubhachafu, bali kumalafu ghetu. 8 Kwa hiyo alitunile leli tyakubhatuna bhantu, bali alikumutuna kabhumba, abhahela mwegho mlafuu ghwaje. 9 Kuhusu bhunyomwe bhwa bhamghana tekulinehaja ja muntu ghoghonse kukughandikila bhukobha mufundisibhwe no Kabhumba kwinyomwa umwe kumwe. 10 Hakika, mwakelanga ghagha ghose kubhamughana, bhaliko Makedonia ghose, lakini twabhakanya bhamughana bhajile nansi no zaidi. 11 Twabhasihi mmnyomwe kwikala mekalo gha kwibhatamisya, kuheshimu milimo syenyu, no kukola milimo kumabhoko ghenyu, bhuli bhotwa kabhabhalilanga. 12 Jilaghagha ili ukobhole kuenenda fisogha no kwisima kubhabho bhalihanse ja imani, ili nosihwili nwe hitaji lya aina jojonsee. 13 Tutunite umwe musimanyi bhusili sahihi, umwe bhamughana ghwane juu ja bhabho bhalele, ilimusinse mwalanganye kubha bhandi bhasili no bhu hakika kuhusu bhwakati bhwisile. 14 Kubhatuamini kubha Jeesu ghakafwanga no kufufuka kabhili, tetyowe kabhili Kabhumba alokabhaleta hamwi na Jeesu bhabho bhalele mauti katika nyenee. 15 Kwa jii ja bhabho twabhabhalilomwe kubha ighambo lya tata, kubha ufwe tulikubwelelo tulokabha bo sipindi syakwisa kwaje tata, hakika te twakabhalombosye bhalya bhalele mauti. 16 Bhukobha Bwana nyene alokashuka kufuma mwighulu. Alokosa no sauti nkulu hamwi no sauti jamisamba bhakulu, hamwi no palapanda ja Kabhumba, naghobhakafwanga katika Kilisito bhalokasyuka kwanza. 17 Kisya ufwe tulikubhwelelo bhapanga, tusi bhile, tulokaungana katika makusihamwi nabho kumpokela bwana mwighulu. Kunsila jejo tulokabha no bwana mfuku syonse. 18 Kwa hiyo, mwihegho umwe kumwe kumaghambo ghagha.